Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
O Weerde mont
Maria ghi hebt doerwont
Mijns herten gront
Ick maect v cont
Tot alder stont
Mocht mi troost van v gheburen
So waer ick ghesont
In corter stont
Tot allen vren.
2.
Reyn maechdelijck saet
Mijn toenerlaet
Daert al aen staet
Ghi die alle maechden te bouen gaet
Gheeft uwen dienst schoon lief ghepresen
Nu gheeft mi raet
Oft desperaet
Soe moet ick wesen
3.
Schoon aenschijn soet
Ghi die den vloet
Der minnen doet
In mi ontsteken des herten bloet
Coemt mi ter noot doch nu te baten. ||
In v behoet
Ick leuen moet
Sonder verlaten.
4.
Schoon dageraet
Ghi die ontfaet
In maechden staet
Den dyerbaren schat
Wter hemelscher stadt
Wilt ons aen uwen sone verweruen
Vergiffenis van ons misdaet
Als wi sullen moeten steruen
5.
Princesse eerbaer
Ghi sijt voerwaer
Minen troost eenpaer
Ick segghe voerwaer
Het is mi duysent iaer
Een vre van v te sijn ghesceyden
Eylaes om te sien v oochskens claer
Moet ic noch verbeyden
|
|