Een devoot ende profitelyck boecxken

N^o. CLIV.

ℂ Op die selue wisen/ oft op Smorgens vroech bi tide/ drie vren voer den dach/ so soude Maria magdalena. &c. Ende is ghemaect opten. lxiiij. psalm

1.
DEn tijt is comen/ den tijt is leden
Och niet so edel als den tijt
Mer wee hem die sijn ionghe leden
Qualijc besteet ende ouer lijt
2.
Naect ende arm quam ick ter aerden
Nature verhief dat leuen mijn
Nu moet ick weder ter aerden neder
Ende volgense na die voer mi sijn
3.
Het gaet met mi ten auonde waert
De sonne die daelt so seere
Ick heb den wech al qualijck ghegaen
Tis tijt dat ic weder om keere.
4.
Het gaet met my ten auont waert
Als ick my seluen wel besie
Ick heb den wech al qualijck ghegaen
Och lacy dat mach wel rouwen mi. ||
5.
Wee den kinderen van tsestich iaren
Die leuen naden lusten sijn
Sij moghen wel leuen in grooter varen
Cort salt met hen te rekenen sijn

[p. 187]

 

⁺6.

 

Nu bid ic alle ionghe herten

 

Dat si henseluen nemen waer

 

Ende blidelijc nemen op haer liden

 

Ende volgen trouwelijc Ihesum na

+ Fo. lxxxix.^r-Fo. lxxxix.^v