Een devoot ende profitelyck boecxken

[p. 185]

⁺

+ Fo. lxxxvij. (bis)^v-Fo. lxxxviij.^r M i

N^o. CLII.

ℂ Op die selue wise

1.
O lacy mijn hert leyt gheuangen ||
Ende alte mael in sware banden
O Iesu heere des claghe ic di
Alst v belieft salt beter sijn.
2.
O lieflijk lief wilt mijns ontfermen
Ghi troost die ghene die op v kermen
Wilt toch mijns ghenadich sijn
O Iesu heere des bid ick di.
3.
O heere mocht mi nu troost ghebueren
Ick moet met rechte liden en trueren
Want ymmer so yst grote pijn
Een ionck hert gheuangen te sijn
4.
Ic bid v lief nu wilt mi halen
Bi v/ wt desen allendigen dale.
Want mijn leuen is anders niet
Dan druck/ liden/ ende verdriet
5.
Maer mi dunct ic mach wel swighen
Ic moet altijt gheuangen bliuen
Ten baet mi niet al clage ic vele.
Des moet mijn ionc herte quelen
6.
Ic mach mi wel tot liden poghen
Want hoe God wil ic moet ghedoghen
Eest soet/ eest suer/ eest cort/ oft lanc
Ende dicwils tegen minen danc.
7.
O Ihesu ontfermt dy uwer gheuanghen
Sij moeten quelen wt rechten verlanghen
Toont aen mi v outfermherticheyt
Ende ooc v goedertierenheyt.