Een devoot ende profitelyck boecxken

N^o. CXLVI.

1.
Mi ionghe maecht/ die werelt mishaecht
Die werelt wil ick begheuen.
Want onuersaecht || mijn hert daer toe draecht
Te kiesen een ander leuen
Ende God den heer te aencleuen
Dien wil is mi in gheresen
Mocht hi gebueren mi/ mocht hi ghebueren mi/
so waer ic vri
Van alle mijn druc ghenesen
2.
Wat batet ghehust
Hi is alder nest
Hi is mijn troost ende behoet
Ick ben vermust.
Mijn herte is gheblust
Doer sijn groote liefde soet
Hi is alleen dat opperste goet
So heb ick hem wtghelesen
Mocht hi. &ce.
3.
Al ben ick beureest
Doer swerelts tempeest
Als ick nu eerst beghinne

[p. 179]

 

⁺

 

Nochtans mijn gheest

 

Die hoept al meest

 

Te crigen sijn gratie ende minne

 

Gheen lieuer ick en bekinne.

 

Dus seg ick noch mids desen

 

Mocht hi ghebueren. &cet.

 

4.

 

Al ben ick als sot

 

Beghect/ bespot/

 

Ghedwaest/ ghesloort/ ghesletert

 

Non fortse int slot

 

Mijn lief is God

 

Die heuet haest ghebetert

 

Aen hem heb ick gheueter

 

Hert/ sin/ aderen/ ende pesen

 

Mocht hi ghebueren. &c.

 

5.

 

Al creech ick verwijt

 

This mijn iolijt

 

Al hinderet wat der natueren

 

Ick bidde altijt

 

Sonder respijt ||

 

Dat ick wel mach besueren

 

Ende ghestadich voldueren

 

In sijnder liefden ghepresen

 

Mocht hi ghebueren mi

 

Soe waer ick vry. &c.

 

6.

 

Princelijck princier

 

Reyn balsamier

 

Ic offer mi seluen in v bedwanc

 

Op mi arm dier

 

Valt goedertier

 

Op mi arme deerne cranck

 

Ick sal v dienen mijn leuen lanck.

 

So lange als ic ben in wesen

 

Mocht hi ghebueren my

 

Soe waer ick vry

 

Van alle minen druck ghenesen

+ Fo. lxxxv.^v-Fo. lxxxvi.^r