Een devoot ende profitelyck boecxken

[p. 169]

⁺

+ Fo. lxxx.^v-Fo. lxxxi.^r L i

N^o. CXXXVII.

1.
Ick minde eens conincx sone
Heer Iesus is sinen naem
Hoort ghi ionge maechden
Vanden enghelen wort hi ghedient
2.
Hi is soe schoon van formen
Ende oock seer minnelijck
Inden hemel noch inder aerde
En vintmen niet sijns ghelijck
3.
Die straten sijn vergulden
Si blincken ghelijc cristal
Die heylige suyuer maechden
Och sij singen daer bouen al
4.
Sij dragen blinckende stolen
Met peerlen so wel omset
Werwaert dat si treden
Met soeten roke bespret
5.
Sij dragen blinckende slolen
Ende eenen crans so schoon
Sij liden doer den reye
Al voer des conincx soon.
6.
Maria badt haren soon te schincken
Den maechden nieuwen wijn
Nu drinct mijn lieue kinderen
Ghi sult hier altoos sijn
7.
Dauid met sijnder herpen
Hi maect daer so groot ghescal
Dattet steden ende dorpen
Moghen hooren ouer al
8.
Hi roert sijn soete snaren
Als hi te doene plach
Och hondert duysent iaren ||
En schinen daer niet eenen dach.
9.
Daer sullen wij iubileren
Met hemelscher melodie
Met Christo onsen heere
Ende die engelsche ierarchie
10.
Daer sullen wij sonder trueren
Aenscouwen Gods claer aenscijn
In eewigen ghedueren
Sonder druck ost sonder pijn
11.
Daer en sal ons niet raken
Vaders noch moeders druck
Al waert dat si inder hellen saten
Sij en beletten niet ons gheluc.
12.
Salige herten die God minnen
Hebt dit altijt voer oghen
Want die werlt verstroyt de sinnen
Diese mint is int leste bedrogen.

[p. 170]

 

⁺ 13.

 

Die dit liedeken dichte

 

Was seer bedroeft van sinne

 

Want sijn herte was so lichte

 

Ende versmoort inder werelt minne

+ Fo. lxxxi.^r-Fo. lxxxi.^v