Een devoot ende profitelyck boecxken

N^o. CXXVI.

ℂ Op die selue wise

1.
MAria maghet schoone
Maghet in alder tijt
Ghi sijt vrou vanden throone
In alder werelt wijt
Ghi sijt oock een sonteync
Beurijdt van sdraecx fenijn
Beurijdt van sdraecx fenijn
Ick bid v maghet reyne
Wilt mijns ghenadich sijn
2.
Ghi sijt die schoonste bloeme
Di ye wert voort ghebrocht
Die ons vercreech den soene
Al was hi dyer ghecocht
O roose sonder doren
O soete medicijn
O soete medicijn
Ick heb v wtuercoren
Wilt mijns ghedachtich sijn
3.
O schoone morghen sterre
Thoont v bermherticheyt

[p. 157]

 

⁺

 

Van v ben ick so verre

 

Doer mijn misdadicheyt

 

Vol drucx/ ende ooc vol rouwen

 

So is dat herte mijn

 

Soe is dat herte mijn

 

O vrouwe van allen vrouwen

 

Wilt mijns ghenadich sijn

 

4.

 

Princesse ende keyserinne

 

Ghi sijt Gods schoone bruyt

 

Ghi sijt die ick beminne

 

Want groot is v virtuyt

 

Daer om wilt mi beraden

 

In minen lesten termijn

 

In minen lesten termijn

 

Och moeder der ghenaden

 

Wilt mijns ghedachtich sijn

+ Fo. lxxiiij.^v-Fo. lxxv.^r