Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
ICk wil mijn herte keeren
Op Gods ghenadicheyt
Want steruen moet ick leeren
Met grooter bitterheyt
Boosheyt heb ick bedreuen
Ende luttel duechden ghedaen
O heere wilt mi vergheuen
Alle mijn sondich leuen
Dat ick oyt hebbe mirdaen
2.
O Iesu mijn betrouwen
Dat set ick heel in di
En wilt mi niet benouwen
| |
[pagina 156]
| |
Dat ick verloren si
Ten waer niet mogelijcke
Mijn sonden sijn seer groot
Te comen in hemelrijcke
Al in der vruechden wijcke
Sonder eenighen wederstoot.
3.
O Iesu van Nazareene
Doer alle v bitter pijn
Die ghi hebt gheleden alleene
Wilt mijns ghenadich sijn
Om ons allen te behouden
Hingt ghi aent cruyce naect
Ghelijck een lam al stille
Al om des menschen wille
Hebt ghi den doot ghesmaect
4.
Maria suyuer bloeme
Reyn maechdelijck prijeel
Met herten ick v noeme
Ghi ontfingt Iesum gheheel
In uwen suyueren lichame
God ende mensche voerwaer
Nu bidt voer mi bequame
Dat ick my niet en schame
Al voer sijn oerdeel swaer.
5.
Barbara ioncfrou schoone
Du bist een bloeyende rijs
Want ghi ooc spant die croone
Hier bouen int paradijs.
En laet mi niet bederuen
In desen ellendighen noot
Ende wilt mi biechte verweruen
Als ick sal moeten steruen
Die wreede bitter doot. ||
6.
O heylighen wtghelesen
Ghi sijt met Iesum beuaen
Michael ende Gabriel ghepresen
Eu wilt mi niet versmaen
Maer wilt mi bewaren
Ick ben van sinnen cranck
Confessoren ende martelaren
Ghi vriendelike scharen
Och eewelijck is soe lanck
|
|