Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
HOe mach gods liefde reyne
Dus weynich sijn geuonden
Van elcken int ghemeyne
Gheacht so ouer cleyne
Die ons bemint certeyne
Hy wil dat wij alleyne
Hem minnen tot allen stonden.
2.
Als onse begheerten strecken
Al na die weerlijcke dinghen
Die de siele beulecken
Ende van Gode trecken
Gods wijsheden die ontdecken
Hoe ons des werelts smecken
In eewighen druck sal bringhen.
3.
Al dat het vleesch begheert
Ende ooc des lichaems ghesichte
Ende hoouerdie ontweert
Dit yst dat die siele begheert
Ende haer minne dicwils verteert
Die dit nyet en ontkeert
Moet deruen van den lichte
4.
Wi sijn van als wel vroet
Om des lichaems bestiere
Maer der sielen goet
Dwelck God bekennen moet
Dat treedt men onder die voer
| |
[pagina 139]
| |
Seer luttel beroert dat ons bloet
In Gods woorts allegieren.
5.
Wie doet van God vermaen
Dien heetmen hypocrite
Die werelt doet versmaen
Si en can God niet verstaen
Maer laet drincken gaen
Dat is al wel ghedaen
Dit schijnt een hemelrijcke
6.
Maer die God toe behoort
En can dat niet vergheten
Maer hi verhaelt Gods woort
Al na der kercken accoort
Gods kinder drijft hi altijt voort
Die werelt hi heel verstoort
Si en wil sijns niet gheweten
7.
Wie is nu die verblijt
In goddelijcken vrede
Ghelijcmen heest iolijt
In ghierighen appetijt
Wie yst die hem nu also quijt
Om God onsen heer ghebenedijt ||
Als menich mensche om rijcheyt
8.
Ghi ionghe maechden fijn
Ghi soect rijcheyt en eere
Ghi en acht verdriet noch pijn.
Mocht ghi verheuen sijn
Hier al dit cort termijn
Maer dat schoon godlijc aenscijn
En hebdy in minne noch in eere
9.
Ontpluycte ghi v iuecht
In dat godlike bescouwen
Ghi sout meer sijn verhuecht
Met liefden also bevruecht
Int smaken alre duecht
Die cracht van shemels vruecht
Die soude v hier bedouwen
10.
Ruyter van sijnder aert
Den crijch is al v leuen
Op dat ghi sijt vermaert
Strijdt fier ende onueruaert
Als knecht onder den standaert
Maer v seluen niet en spaert
Int duechdelijck aencleuen
11.
God die ons heest ghemaect
Dyen stellen wij besiden
Seer luttel yemant smaect
Christum aent cruyce naect
Die doer ons liefde blaect
Nochtans die na hem haect
Gheeft hi dat eewich verbliden
12.
Oerlof/ dit is dat ent
Die dit wilde vertellen
Hi haet die werelt blent
Want si hout innocent
Den ghenen die Christus liefde kent.
Sijn woorden excellent
Can si ouer side stellen
|
|