Een devoot ende profitelyck boecxken

[p. 137]

⁺

+ Fo. lxiiij.^r-Fo. lxiiij.^v

N^o. CIX.

ℂ Op die selue wise

1.
EEn suchten ende een beuen
Dat soude my voegen wel
Als ick aensie mijn leuen
Tot sonden also snel
Ick hebbe in mi beseuen
Nature heeft redene verdreuen
Dat en dunct mi gheen spel
2.
Redene wil mi leeren
Der dinghen wederstaen
Nature wilt noode ontbeeren.
Hoe sal haer dat vergaen.
Heere/ God bouen alle heeren.
Doet mi mijn sinnen keeren
Ende leert mi redene verstaen
3.
Gheen dinck in desen tiden
Nature bedwinghen mach
Dan als haer druck en liden
Te selden wil doen verdrach
Dan wil haer duecht ontgliden
Ende si wil haer vermiden ||
Ghenoechte die si plach
4.
Te leuen ghelijc die beesten
Natuere altoos begheert.
Te leuen na den gheeste
Ons reden altoos leert
Heer God laet mi vol leesten
So mach ic comen ter feesten
Daer alle druck is gheweert