Een devoot ende profitelyck boecxken

N^o. CVI.

ℂ Op die selue wise.

1.
ICk sal mi seluen troosten
Ende maken eenen moet
Ende keeren mi totten besten
Het sal mi wesen goet
Van sonden wil ick mi keeren.
In minen ionghen tijt
Ic bidde v ghenadighe heere
Dat ghi mijns ghenadich sijt
2.
Mijn siele sal sijn bedouwet
Also ick hebbe verdient
In blischepe oft in rouwe
Dus rade ick minen vrient
Dat hi hem van sonden keere
Want cort is hier den tijt

[p. 134]

 

⁺

 

3.

 

Hadde ic dat sware liden

 

Voerdacht dat waer mi goet

 

So soude mi God verkiesen

 

Ghelijc hi ander salighe doet

 

Maer neen ic dat rout mi seere

 

Al minen verloren tijt ||

 

Ic bidde v. &c Dat ghi. &c

 

4.

 

Niemant en derf hem pogen

 

Om te comen daer God sy.

 

Hy en moet na sijn vermoghen

 

Van sonden wesen vry

 

Ende dienen altoos gode.

 

Wanneer hi heeft den tijt.

 

Ic bidde v. &c Dat ghi. &c

 

5.

 

Ouder mach ic werden

 

Maer iongher nemmermeer

 

Hier namaels onder die eerde.

 

Ende laten goet ende eer

 

Waer toe dat ick mi keere

 

Altoos ontgaet mi den tijt.

 

Ic bidde v. &c Dat ghi. &c

 

6.

 

Nu so wil ick hopen

 

Op God ende onser vrouwen.

 

Die gracie Gods staet open

 

Als ons die sonden rouwen

 

Milde so is die Heere

 

Onseker is ons den tijt.

 

Ic bidde v. &c Dat ghi. &c

 

7.

 

Nu so wil ick gaen temmen

 

Dat ionghe leuen mijn

 

So mach ic namaels clemmen

 

Daer alle die salighe sijn

 

Daer is so lanck so meere.

 

Vruecht / blischap / ende iolijt

 

Ic bidde v. &c Dat ghi. &c

 

8.

 

O radt van auontueren

 

En sult ghi niet omme gaen

 

Dat mi gracie mocht gebueren

 

Van al dat ic hebbe misdaen.

 

Ic en sondichde nemmermeere

 

Al had ick wel den tijt

 

Ic bidde v. &c - Dat ghi. &c

 

9.

 

Ghestadelic wil ick dienen

 

Ende Gode sijn onderdaen

 

Het staet mi noch te geschieden

 

Dat ick sal moeten gaen

 

Ende nemmermeer weder keeren

 

Nemmermeer in gheender tijt.

 

Ic bidde v. &c Dat ghi. &c

 

10.

 

Nu spreect voer mi ten besten

 

Ghi heylighen alle ghemeen

 

Al come ick nu ten lesten

 

Ic ben nochtans daer een

 

Daer Christus God ons heere

 

Om sterf op eenen tijt.

 

Ick bidde v ghenadighe heere

 

Dat ghi mijns ghenadich sijt

+ Fo. lxij.^v-Fo. lxiij.^r