Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 133]
| |
ℂ Op die selue wise1.
ICk weet een maget ydone
Aen haer staet al minen troost ||
Sy is so ouer schoone
Haer mondeken dat is root
Mocht ic noch bi haer comen
So waer mi wel gheschiet.
Ende icxse mocht aenscouwen
Ick waer sonder verdriet
2.
Si is den boom granate
Die droech den soeten keest
Daer wij bi sijn behouden
Ghebrocht ter grooter feest
Dies heeft si lof ende eere
Nu ende in alder tijt
Mocht ic noch bi haer comen
Ick waer so feer verblijt.
3.
Si is so oner schoone
Der roosen is si ghelijck
Si spant een gulden croone
So diepe int herte mijn
Haren naem moet ick segghen
Moeder en maget is si sijn
Maria is si gheheeten
Si verblijt dat herte mijn
4.
Si is die roose gaerde
Daer in besloten stont
Die schoone roode roose
Iesus is hi ghenoemt.
Om ons heeft hi gheleden
Beyde pijn ende verdriet
Mocht ic noch bi hem comen
Mi ware so wel gheschiet
5.
Laet ons dye maget dancken
Die ons dat slot ontsloot
Daer wi mede waren geuangen.
Midts Adams sonden groot
Haer willen wi altoos eeren
Met goeder herten fijn.
Dat si ons wil verleenen
Int cynde haer claer aenschijn
|
|