Een devoot ende profitelyck boecxken

[p. 129]

⁺

+ Fo. lx.^r-Fo. lx.^v

N^o. CII.

ℂ Dit is die wise Ick ligghe op die steenpoorte gheuaen

1.
Sal ick sijns langhe ontberen
Die mi verbliden mach
Met hem wil ick gaen teeren ||
Soe heb ick goet ghelach
Van hem en wil ick niet sceyden
Want hi betalet al
Ick hope hi sal mi beyden
Al sijn mijn rentkens smal.
2.
Ick ben verdoelt och leyder.
Waer sal ick henen vlien
Ick ben van hem ghesceyden
Ick en derf niet opwaerts sien
Des leyt mijn herte in rouwen
Beyde nacht en daer toe dach
Waer sal ick mi onthouden
Ick ducht seer voer den slach
3.
Hoe dom was ick van sinne
Dunct mi na mijn verstaen
Dat ick oyt leyde minne
Aen tghene dat moet vergaen.
Des ben ick seer te schouwen
Dat ick des oyt bestont
Waer sal ick mi onthouden
Ick ben ter doot ghewont.
4.
Ick wil in hopen leuen
Ende maken goeden moet
Al heb ick dit bedreuen
Het mach noch werden goet
Ick wil nu weder keeren
Tot hem die mijns wel acht
Ende volghen sijnder leeren
Nae mijnder sielen cracht

[p. 130]

 

⁺

 

5.

 

Eylaes ick ben ghesceyden

 

Van God / mids sonden groot

 

Ick doelde / ick was verleyden

 

Ick waer veel lieuer doot

 

Dan ick aldus sou dolen

 

Want ick en weet waer heen

 

Ick soude sijn verloren

 

Al inder hellen scheem

 

6.

 

Aldus mach ick wel claghen

 

Ende laten alle mijn vruecht

 

Want God mi alle mijn dagen

 

Anders niet en doet dan duecht

 

Ick en mach sijns niet vergheten

 

Al in mijns herten gront

 

Anders worde ick verbeten

 

Al vanden helschen hont ||

+ Fo. lx.^v-Fo. lxi.^r