Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 128]
| |
ℂ Op die selue wise1.
KInderen loest den enghel fijn
Hy vliecht soe hooghe voer Gods aenschijn
Hi is hem so bequame
Aldaer Gods engelen singhen eewighen lof
Franciscus is sinen name
2.
Rechte armoede is sinen scat
Die nyet en begheerde/ noch niet en besat
Van gheenen aertschen dingen
Daer om is hi soe hooghe ghecroont
Aldaer die enghelen singhen
3.
Als ick doergae dat hemelsche lant
Ende ick daer sie soe menighen sant
Verciert met duechden schone
Soe en heeft daer niemand die wonden dan hy
Ghelijc die soete Gods sone
4.
Heylighe vader / heylich patroon
Bidt uwen broeder den Gods soon
Dat hi ons wil vergheuen
Onse sonden / die sijn menichfout
Ende brengen ons int eewich leuen
5.
Heylige vader / heylich tresoor
Die van hauen waert alsoe bloot
Een coorde ende eenen grauwen roz
Daer me waerdy der werlt spot
O prince der Seraphinnen
|
|