Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ ost op Wel op ridder wel ghemoet1.
WEl op hertken wel gemoet
Ende loest den heere goet
Hoe slapen wij dus langhe
Laet ons vertyen vleesch en bloet
Ende houden dat in bedwanghe
2.
O siele ic hoor wel dat ghi ghist
V bewijs ende uwen list
Es al om mijn bederuen
Ghi segt / het wort hier al ghequist
Oft ick nature moet steruen
3.
Nature / steruen waer v best
Ghi sullet seker vinden int lest
Den tijt die sal noch comen
Siet dat ghi die siele wel vest
Want si mach v wel vromen.
4.
Och reden ghi hebt seer wel gheseyt
Maer ick sie haer net soe wide ghespreyt
Hoe sal ick des ontganghen
Des vyants lagen sijn lanc en breyt
Hi sou ons gerne vangen
5.
Nature waer om sidy versaecht
Hi is geboren van eender maecht
Die ghebenedide Gods sone
Dic des viants macht veriaecht
Daer om wilt wesen vrome
6.
O reden ghi moet mi leeren dan
Want ict selue niet en can
Hoe soude ick des ghenieten
Ten is ter werlt vrou noch man ||
Ten soude hem verdrieten
7.
Natuere wilt ghi v seluen wt gaen
So wilt des lidens doen vermaen
Dat Cristus leedt doer onfe schout
Ende peynst o siele ghi hebt misdaen.
Het sal v rouwen menichsout
8.
Dit argueren van desen tween
Vinden wi daghelijcx in een
God geue ons allen sulcke minne
Dat ons allen groot ende cleen
Die redene verwinne
|
|