Een devoot ende profitelyck boecxken


N^o. XCII.
ℂ Op die selue wise 1. ICk weet een vrouken ghebenedijt Die mi also wel behaecht. Och bouen alle die werelt wijt. Dat si die croone draecht Si rust bi haer lieue kint Noch is dye vrouwe een suuer maecht Die alle herten bemint 2. Die vrouwe die en sal ic laten niet Om schoonheyt noch om goet Als mijn aenschijn haer beelde aensiet So verhuecht si minen moet Ick wonde dat ic waer bi haer Hier bouen int eewighe leuen So waer al mijn trueren gedaen 3. Die vrouwe is wt Iessen rijs Gheboren als een iuecht Al in mijn herte draecht sy den prijs Dat doet haer groote duecht En hadde dese vrouwe ghedaen \|\| Wij hadden alle int helsce vier Met droefheyt moeten gaen. 4. Haer mondeken root/ haer oochskens claer Si verlichten dese werelt ront
[pagina 119]
Ga naar margenoot+ Mocht ic hier bouen bi haer sijn So waer mijn herte ghesont Aylacy ende mi is leet Dat ick mi nu tot deser vren Aldus vol sonden weet. 5. Die dit lieken eerstwerf sanc Hy sangt wt reynder minnen. At en heeft hijt nyet te puncte gheraect Men salt ten besten bringhen Want sijn memorie was licht Ter eere van onse lieue vrouwe So heeft hi dit lieken ghedicht	margenoot+ Fo. lv.^v