Een devoot ende profitelyck boecxken

N^o. LXXXVI.

ℂ Op die selue wise/ oft op Een meysken ionc van sinnen

1.
HOort toe kersten gemeyne
Hoort toe na Gods vermaen
Ende wilt met herten reyne
Van uwen sonden af staen
Ende dienen God
En houden sijn ghebot
So suldy van hem troost ontfaen
2.
Kent eerst dat in v seluen
Niet en is dan ghebreck
Wilt ghi v herte om weluen
Ghi en vint daer niet dan dreck
Ende alle noot
Die v sal stellen bloot
Verdoemen in dat helsche peck.
3.
Maer wildy troost verweruen
Keert weder wter hel ||

[p. 111]

 

⁺

 

Aensiet dat bitter steruen

 

Ende al dat swaer ghequel

 

Het welc heer Iesus goet

 

Wt grooter liefden soet

 

Leedt om uwer sonden wille

 

4.

 

Daer om gelooft met herren

 

Met monde/ en metter daet

 

Dat Iesus alle v smerten

 

Afneme/ ende al v quaet

 

Ende gheue v gheheel

 

Sijns eewighen rijcx iuweel

 

Doer God sijns vaders raet

 

5.

 

So dat ghi nu recht moecht segghen

 

Heer Iesu ghi sijt mijn

 

Ick wil v nu gaen leggen

 

Al voer ws vaders aenschijn

 

Voer een groot ransoen

 

Ende daer mede voldoen

 

Van alle mijn scult/ ende vri sijn.

 

6.

 

Dan so suldy wt minnen

 

Dienen God sonder bedwanc

 

Den Heere met lijf ende sinnen

 

In alle v naesten cranck.

 

Voort gaende in alle duecht

 

So veel als ghi vermeucht

 

God gheuende lof en danck

 

7.

 

Met God sijnde te vreden

 

In alle tghene dat hi v doet

 

In allen tide oft steden

 

Het si verdriet oft voerspoet.

 

Sijnde int herte gherust

 

In Gods soete wellust

 

Hem lidende in ootmoede.

+ Fo. li.^v