Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
HOort hier na man ende wijf
Die Marien dienaers sijt
Gheeft haer op siel ende lijf
Wildy van haer sijn beurijt
Allen vrouwen bouen
Moeten wij haer louen
Bidt God dat hi den staet versta
Lofweerdige schoone Maria
2.
O coninginne van hemelrijc
Des sondaers alder beste vrient
Noyt mensch en vant in v beswijc
Die v met goeder herten dient
In soe menigher stede
Hier ende elders mede
Repareert ghi der lieden scha
Lofweerdighe schone Maria
3.
Eerweerdighe beelde miraculeus
Het is wel recht datmen v eert
Vrouwe der engelen gracieus
Wie dat uwen dienst vermeert
Wint voer een duechde schoone
Iesum tot sinen loone
Noyt moeders minne en ghinc ons soe na
Lofweerdige schoone Maria
4.
Moeder der ontfermherticheden
Fonteyne der ghenadicheyt
Blinckende tempel Gods vol vreden
Slot der maechden reynicheyt
Aarons roede bloeyende
Moyses doorne groeyende
Arcke van Noe/ suyuer la
Lof edel minlicke Maria.
5.
Ghi sijt die godlicke berade
Die des vaders gramscap heeft ghestilt
Ghelijc Hester Assuero payde
Dies Mardocheus sijn lijf behilt
Wij waren alle verloren
Maer dat kint van v gheboren
| |
[pagina 100]
| |
Heeft ons verlost wten helscen qua
Lof aldersuuerste maget Maria
6.
Dauids slingher van machte groot
Daer Golias voren tonder bleef
Ghi hebt den vyant ghebrocht ter doot
Also den olifant het serpent verdreef
Ghi loste volc ende landen
Wt Holifernes handen
Soe Iudith verloste Betulia
Lof Christus lieue moeder Maria.
7.
Lya seuen kinderen baerde
Ghi baerde een inder waerheyt.
Het licht dat hemel ende aerde verclaerde
Het lam der ontfermherticheyt
Sybilla propheteerde ||
Dat v God oerdineerde
Dies sloech Octauianus ga
Lof alder schoonste Maria
8.
Veel schoonder dan Noemi was
Sydy Maria Gods moeder soet
Ghelijc de sonne doerschijnt het ghelas
Quam God in uwen onbesmetten moet
Moeder ende maghet bleuen
Dat hi ons sonder sneuen
Van alle onse sonden dwa
Lof Gods moeder Maria.
9.
O wise Sara/ bidt Abraham
Dat hi ons wil bewaren voort
Al dat hier comen is/ oft quam
In hemelrijc bringhe daert behoort
Dit liet van wiser leeren
Ghemaect tot uwer eeren
Tis recht datment in danck ontfa
Lof alder goedertierenste Maria.
|
|