Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dits die wise van Het was eens ioden dochter 1.
Haer oogen stralen blincken
Veel claerder dan een cristal
Maria wilt mijns ghedincken
Maria wilt mijns ghedincken
| |
[pagina 101]
| |
Ghi sterct mijn sinnen al
2.
Met sonden ben ic beuangen
Och moeder ende maghet soet
In gracien wilt mi ontfangen
Aensiet mijn groot verlangen
Geeft mi tot duechden spoet
3.
Ick en can mi niet verbliden
Al sonder die minne dijn
Die werelt wil ick vertiden
Om v behaechlijck te sijn
4.
Een maghet wtghelesen
Vwen lof in mi vermeert
Ten hoochsten sidy ghepresen
Die van beginne mocht wesen.
Van alle menschen begheert
5.
Al is si hooch verheuen
Haer vrienden nochtans si kent ||
So langhe als ick sal leuen
So langhe als ick sal leuen
Blijft ghi in mijn hert gheprent
6.
Met haer ben ic verbonden
Ende alle mijn hert beuaen
Ick gheuoele een soete wonde
Van minnen/ die si mi gonde
Om haer niet af te gaen
7.
Op der werelt minnaers scaffen
So is mijn achten cleyn
Haer minne seer te straffen
Haer minne seer te straffen
Haer leuen is onreyn.
8.
Al ben ick noch ghesceyden
Van die alderliefste mijn
Haer coemste wil ic verbeyden
En daer toe mi bereyden
Om eewelijck bi haer te sijn.
|
|