Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ oft op die wise Mishouwet soe is die name mijn.1.
OCh mensch aenmerct dat leuen dijn ||
Besiet hoe cort is uwen tijt
Ende wilt voortaen bewachtsaem sijn
Van sonden/ eer dat ghi steruende sijt
Die doot die sal toch comen
Wat salt ons dan vromen
Als wij in sonden hebben geleest
En men dan niet dan pine daer voer en heeft.
2.
Als hi sal comen die rechter stranck
Waer sal die sondare dan moghen vlien
Voer hem te comen dat is bedwanck
Nae sijn wereken sal hem gheschien
Wortmen dan gheuonden
Int wterste met sonden
Hi gheest sentencie herde schier
Gaet ghi vermaledide in dat eewighe vier
3.
Die daer met duechden dan comen sal
Die sullen daer staen al sonder vare
Daermen sal roepen ouer al
Coemt mijn beminde in mijn rijck clare
Coemt alle ghi ghebenedide
En ick sal v verbliden
Besidt mijn rijc/ het is so schoon
Dat sal ic v gheuen tot een loon
4.
Nu rade ic elcken wie dat hi si
Die noch met sonden is besmet
| |
[pagina 99]
| |
Dat hi hem make suuer ende vry
Eer hem die vyant brenghe in sijn net
Dat hijt niet en beclaghe
Hier na ten eewigen daghe
Daer liden is/ ende swaer bedwanc
Och eewelijck te sijn in pinen is soe lanck.
5.
Sy/ die dit liedeken eerstmale sanck
Bidt Iesum niet herten fijn
Al doer sijn bitter liden stranc
Dat hi haerder wil genadich sijn
En dat hi haer wil vergheuen
Al dat si heeft bedreuen
Tegens sijn hooghe maiesteyt
God verleene ons sijn eewighe salicheyt.
6.
Soe wie dit liedeken hoort oft singt
Bidde ick dat hijt wel verstaet
En dat hi hem van sonden dwingt
Eer hem die doot den wech ondergaet
So sal hem God gheuen
Hier na/ sijn eewich leuen
Wanneer sijn siele sceyden moet
Wilt Iesum beminnen/ want hi is soe soet. ||
|
|