Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
BLiden moet in tegenspoet
En doet gheen liden wijcken
Want hijt bekent diet v toe sent
En sal v niet beswijcken
Want God altijt de gene troost
Die sijn beuaen met liden
Hier om hebt moet in tegenspoet
Na liden coemt verbliden.
2.
Gheen mensche en leeft in deser tijt
Die liden mach ontganghen
Al schout hijt met groter vlijt
Nochtans wort hi gheuangen
Mer die gecastijt wort in deser tijt
Ende hem daer in can liden
Nae dit verdriet dat hem gheschiet
Sal hi noch hem verbliden
3.
Hi is gheuaen wil hijt verstaen
Met liden vast ghebonden
Die met genoechte soude vergaen
In swaren val der sonden
Mer dat verdriet en ghehenget niet
Dat hi dus coemt in vreesen.
| |
[pagina 71]
| |
Maer tegenspoet dat hem gemoet
Doet hem voersichtich wesen
4.
Aldus versint dat hem God mint
Die hi castijt met liden
En dloon bekint/ ende onderuint
Wat wil hi dan vermiden
Hier om met vlijt/ angaet den strijt
Soe moechdy Iesum winnen.
Want wie wel doet in tegenspoet
Heeft altoos vrede van binnen.
5.
O mensche goet hier om hebt moet
En wilt gheen liden wiken
Want niemant en li gelooues mi
Sonder liden op aertrike
Hier om verdraecht al onuersaecht
Ende wilt daer niet op achten
Wort ghi ghewont in uwen gront
Ons heere salt v versachten
6.
Dat siluer is claer ende openbaer
Inder scrifturen bewesen
Dat hem ghemoet groot teghenspoet
Die Gode bequaem sal wesen.
Want int ghemeyn den herten reyn
Wel veel op coemt te liden
Want die weldaet wert dicwil quaet
Verkeert in allen siden.
7.
Een troostelijck woert heb ick ghehoert
Dat doet mi vrolijck liden
Dat God hier loont/ ende namaels croont||
Die vromelijcken striden
Hier om weest vro/ doet ooc also
En laet al ouer ganghen
Der vruechden croon/ int shemels throon
Suldy daer voer ontsanghen.
8.
Der lijdsaemheyt is toegeseyt
Dat si daer croon sal draghen
Die dan sijn schult/ quijt met verdult
Die en derf hem niet beclaghen
Hier om so lijt/ een corte tijt
Ten sal niet langhe dueren
Want God verblijt/ die hi castijt
Lijdt vrolijck sonder trueren
|
|