Een devoot ende profitelyck boecxken

N^o. XXXVII.

ℂ Op die selue wise.

1.
Een nyeu liet wil ick v singen
Hoort nu hoort wat wesen sal
Wi sullen dancken der weerdinnen
Ende altoos God bouen al
2.
Here God soude ic v minnen
Met alle mijn ghedochten
Ick soude wel ghewinnen
Meer dan ick segghen mochte.
3.
Here God soude ic v minnen
Met al mijnder sielen cracht
Ick soude daer bi ghewinnen
Veel meer dan ic peynsen mach
4.
Heere God cost ick v minnen
Met alle mijnder herten fijn
Ick soude daer bi ghewinnen
Daenscouwen van v claer aenscijn.
5.
Die werelt houdt soe luttel trouwen
Ende si en gheeft om gheen verwijt
Ick mach wel sijn vol rouwen
Om alle minen verloren tijt
6.
Si doet wel te verstane
Dat vlieghen waren byen
Ghelijck die wederhane
Machmense dicwils keeren sien

[p. 57]

 

⁺

 

7.

 

So wat die vroede seyde mi

 

Ten mocht mi niet verleyden

 

Maer nu wil ic gaen bliuen bi

 

Dyet mi te voren seyden

 

8.

 

Ick was alsoe verschouen

 

In alle mijn ghedochte

 

Ick en condes niet gheloouen

 

Dat alsoe wesen mochte

+ Fo. xxij.^v-Fo. xxiij.^r