Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
GOd die de minnende siele doet leuen
Die make v herte van binnen claer
Ende die wil v hem seluen gheuen
Tot eener trooste dit nyeuwe iaer.
2.
En laet v herte van God niet leyden
Van deser werelt valsche scijn
| |
[pagina 56]
| |
Het moet doch al met liden scheyden
Al dat hier mach vercreghen sijn.
3.
Nu bidde ick met al mijnder herten
En keert dy totten menschen niet
Sij souden v van Gode trecken
Ende dat eynde daer af is al verdriet.
4.
Die ghewarigen troost can gheuen
Dats God alleene gheloost mi des
Soect ghi hem dan in aertsche dinghen
So soect ghi hem daer hi nyet en es.
5.
Wat dat hier es het moet vergaen
Het is te schouwen als fenijn
Wat soudy seere daer na staen
Dat ymmer moet ghelaten sijn
6.
Soect ghi trouwe ghi wort ghehoont
Dat is in dese werelt ghemeene
Die weder met trouwen loont
Dat is die ghewarige God alleene.
7.
Tot Gode te keeren sonder verbeyden
Dat is sekerlijc minen raet
Maer dat hier is een langhe beyden
Dat doet altoos die vyant quaet.
8.
Biecht v dick/ ende hout v reyne
Dat sijn die begheerten mijn
Ende en acht gheene dingen cleyne
Daer God in mochte verbolghen sijn. ||
9.
Van v begeert hi tot alle stonden
Dat ghi hem in v herte laet gaen
Sijn bitter doot sijn diepe wonden
Die hy om onsen wil heeft ontfaen
10.
Acht dese trouwe ende anders gheene
Let op die werelt niet een caf
Gheeft hem v trouwe in minnen alleene
Die sijn leuen voert uwe gaf
11.
Hier op gheue ick den dicht een eynde
En laten hier mede mijn dichten staen
God gheue ons allen na dese alleynde
Blischap die niet en mach vergaen
|
|