Dagboek van Gent van 1447 tot 1470. Deel 2

[p. 291]

Dit naervolghende zijn de engiene toebehoorende⁺ der stede van Ghend ghelevert bij Janne Van den Abeele ter presencien van Christoffels Triest als tresoirier in den name van der voorseyder stede den XIIII^en dach in octobre a^o M IIII^c LVI, in 't scependom Mer Claeis Triest, ruddere, her Jans van Siccleer ende haeren ghesellen⁽¹⁾

Eerst, een groote motalen busse gheheeten Velleburch met eender looden stuenen, dienende ter zelver bussen weghende V^c pont lettel min oft meer de voorseyde stuene, ende een camere ter zelver busse behoorende.

Item, een motalen busse gheheeten Quade Griete.

Item, een motalen busse gheheeten Quade Aechte.

Item, XXXVJ vogheleers elc met IJ cameren van diversschen grootten.

Item, IIJ vogheleers elc met eender camere.

Item, eenen vogheleere met IIIJ cameren.

Item, behoort eene loodenen sluetele toten nieuwen vogheleeren weghende CLXXIIIJ pont, de zelve vogheleere in 't voornoumde ghetal begrepen.

Item, IX^e crapaudeele elc met IIJ cameren.

Item, IX^e crapaudeele elc met II cameren.

Item, een crapaudeel met eender camere.

Item, noch VIIJ^e crapaudeelen elc met IJ^e cameren met yseren steerten. Ende alle dese voorseyde engienen hebben haer sluetels, haer ketenen ende al 't ghuent datter toebehoort.

Item, XLI culueveren.

Item, XII bombaerden van der hauder wet⁽²⁾.

+ f^o 237 r^o

(1) Alhoewel die Inventaris tusschen de beide andere van 1489 ingebonden is, hebben wij hem, om wille der tijdrekenkundige volgorde, vooraan geplaatst.

(2) Hauder wet, oude stelsel.

[p. 292]

Item, XLI loodbussen van der hauder wet.

Item, III coperen bombaerden van der hauder wet.

Item, XXI hamers.

Item, II^e hamers omme busse steenen mede te houwene.

Item, II^e yseren morteelen.

Item, IIII^e langhe ketenen, met eender ketene die Luuc Machet heeft.

Item, XLVI vuere ketenen mids eender ketene rustende onder den conynck van den kinderen.

Item, XXVII vulysers van cullueveren.

Item, XXIIII curteyseren bouten ende XIJ langhe omme de mantelen.

Item, sluetels ende rijnghen alzo veele.

Item, VIIJ^e yseren clauwen.

Item, IX houde groote yseren bouten.

Item, noch XVJ cleene yseren bouten.

Item, noch een crom ysere.

Item, IIJ^e yseren scuppen.

Item, IIIJ^e sticken ysers dienende toot eenen drayenden vogheleere.

Item, eenen yseren hantboom.

Item, XIJ sweerden dienende ter vogheleeren ende ter crapaudeelen.

Item, XV crapaudeele bancken met haeren yseren bouten ende ketenen ghelyc datter toebehoort.

⁺ Item, XX coufers.

Item, VJ yseren clooten.

Item, IIIJ brootsen.

Item, XXXIIJ bylen.

Item, een hauweel.

Item, VJ vierpannen.

Item, onder crapaudeelen, culueveren ende busselooden, XIX^c L ponden, also hy seide maer het en es niet gheweghen.

Item, XXJ hantboghen.

Item, noch eenen coufere met mync ysers.

+ f^o 237 v^o

[p. 293]

Item, XXVIJ dozynen hantboghe ghescut.

Item, II^c LXII douzynen ghescut van voetboghen ende aremborsten al gheysert.

Item, wel also veele ghescuts ongheysert.

Item, XXXVIJ ghelavie scachten.

Item, IIIJ^c LX ghescut yseren van boghen.

Aldus es een rolleken gheteeckent Sanders.

Scepenen van der kuere in Ghend, naer dien dat Jan Van den Abeele die t' anderen tyden by scepenen die voorsaten ende 't regement van der stede hebbende, ghestelt was ten besorghe ende bewaernesse van den engienen der zelver stede met diesser ancleeft, van den zelven engienen by goeden expresse heeft doen maeken drye rollen ende ghescrifte ende die overghegheven, danof d'eene rustende onder scepenen voornoemt, d'andre onder den tresoriers van der stede, ende de derde zal rusten onder den ghuenen die ter bewaernessen van dien ghestelt zal werden. Ende overmids dat hy van den zelven engienen goede ghetrauwe leverynghe ende bewys ghedaen heeft ter presentie van den tresoriers die daertoe by scepenen gheordonneert hadde ghezyn, So eis 't dat scepenen voorseyt den voornoumden Janne van den Abeele gheheel ende al quite ghescolden hebben ende scelden quyte van der voorseyder bewinde ende regemente dat hy van den voorseyden engienen met diesser ancleeft, ghehadt heeft, zindert dat hy daertoe ghestelt ende gheordonneert was, toten daghe van heden, ende hebben den voorseyden Janne, zinen hoeyren ende naercommeren daer af ontsleghen ende quyte ghescolden, den zelven Jan t'zynder begheerte ontlastende van den zelven dienste. Dit was ghedaen den vierden dach van Novembre in 't jaer XIIII^c ende LVJ, in 't scependom Mer Claeis Triest, ruddere, her Jans van Siccleer ende huer ghezellen⁽¹⁾.

Aldus staet in den scepenenbouck van den zelven jaere, folio xxviij.

Gheteeckent: Jan Sersanders.

(1) Schependom van 1456-57; zie de lijst in Memorieboek, D. I, blz. 245.