Dagboek van Gent van 1447 tot 1470. Deel 2

[p. 294]

Inventaris van den balsoenen, standaerden, bannieren van oorloghen ende van den trompetten der stede toebehoorende ende alle wesende up de rekencamere ter bewaernesse van der zelver stede in handen van Willem De Rantere.

Eerst, eenen grooten standaert van dobbelen samyte⁽¹⁾ lanc VIJ^e hellen, ghesanfraent met syden sanfraenen⁽²⁾, pers ende wyt, up den zelven standaert ghewrocht van scilderyen eene Maghet van Ghendt metten witten Leeau ghedeelt al den standaert duere.

Item, twee cornetten van zamite, wit ende pers, ghesanfraent met groender fryngen syden, ghescilt met eenen Sent Andries cruuse⁽³⁾, commende duer eene ronde, ende up elc hende van der cornette ooc een ronde, ende elc van den zelven cornette lanck drye ellen.

⁺ Item, vier standaerden van zwarten lynwade ghefringet met groenen zyden fringhen up elcken ghescilt de Maghet van Ghendt metten witten Leeu, d'eene van der voorseyden viere standaerden al nyeuwe ende noynt ghebesicht en de d'andre drye ghebesicht.

Item, drye groote pingoene van lynwade, verwapent metter wapenen van Ghendt, alle ghestoffeert met groenen zyden fringen, de zelve standaerden al nieuwe.

Item, XIIIJ andere pingoene van lynwade ghestoffeert met groenen zaerken⁽⁴⁾ fringhen, uute ghedaen den eenen die es met rooden fringen alle verwapent metter wapenen van Ghend.

Item, twee schoene groote viercante banieren van zemite, d'eene verwapent metter wapene van Vlaendren ende den anderen metter wapene van Ghendt beede gheboort met groenen zijden fringen.

(1) Samijte, fluweelen zijde.

(2) Sanfraenen, fringen.

(3) Het Bourgondische kruis.

+ f^o 238 r^o

(4) Zaerken, serge.

[p. 295]

Item, noch andere drie viercante bannieren van lynwade verwapent metter wapene van der stede als boven ende gheboort met groenen zaercken friengen.

Item, VJ^e vierkante bannieren van lynwade verwapent ende ghefrienget als boven omme te beseghene an trompetten al nieuwe.

Item, noch twee andere viercante bannieren van zaercke ghestoffeert met groenen zaercken friengen, dezelve bannieren verwapent metter wapenen van Vlaanderen.

[De f^os 239-240 zijn niet beschreven].