Dagboek van Gent van 1447 tot 1470. Deel 2

[1515]

Aldus deze solempniteit ghehauden wesende, zoo heeft God daer inne voorsien als dat ghebleven es een cort huwelic, want dese Lodewyc, coninc van Vranckerycke, die es ghestorven in⁺ dat zelve jaer XV^c XIV, ipso die Circoncisionis, in januario den eersten dach, binnen der stede van Parys, tusschen den X ende XI hueren voor de middernacht.

In dit zelve jaer XV^c XIV, zoe was Fransoeis conte d'Angolaime, Daulfin, by rechte successien coninc van Vranckerycke ende was ghezalft in die stede van Riemen⁽²⁾, up eenen don-

+ 1515.

(2) Riemen, Reims.

[p. 279]

derdach, den XXV^en januarii, ipso die Pauli apostoli Conversio, ende achtervolghende desen, Franseois, coninc van Vranckerycke, die dede zyn incomste te Parys zeer corts daer naer, ende was daer present, als doe gheordonneert van hertoghe Karels weghe, mynheere van Nassauwe als ghenoot met grooten state.

In 't jaer XV^c XV, ipso die Mathie, zoe dede hertoghe Karele, Philips zone ende vrauwe Jehanne, conynghinne van Spaengen, zyn blyde incomste als grave van Vlaenderen binnen Ghendt, wesende ter haudde van XIIII jaren, daer groote blyscepe ghetoocht was, in de maent van sporckele den XXIIII^en dach⁽¹⁾.

In dit ontfanghen van Vlaenderen, zoe sat Jan Halaert te Sente Jans up de stellynghe, met den heedt in zyn handt, twee hueren al eer de jonghe graef Karel quam van Sente Pieters, ende graef Karel daer commende, zo heeft de palsgrave Jan Halaert den heedt ghenomen, ende eenen anderen uut zynder tassche oft haessack ghenomen ende Jan Halaert gegheven, zegghende: ‘Leest desen heedt’, zonder de wet van Gendt daer af wetende. Ende den heedt hilt aldus:

‘Dit zweerdy, gherechtich heere ende grave van Vlaenderen te zyne ende datter toebehoort, de heleghe kercke in haer rechten te haudene ende te doen haudene de previlegen, vryheden, costumen ende husagen, ende de rechten van de stede van Ghendt te haudene, ende daer aerme ende rycke in rechte handene te haudene ende te doen haudene, ende al te doene dat een gherechtich heere ende grave van Vlaenderen schuldich es te doene. Alzoe moet hu God helpen ende alle Gods helleghe.’

(1) Men raadplege over de regeering van Karel V, het bekende werk van A. Henne, Histoire de Charles-Quint en Belgique (Brussel, 1858-1860), 10 deelen.