Dagboek van Gent van 1447 tot 1470. Deel 2

[1492]

Den XIX^en van lauwe anno XCI 1492, n. st.), wesende donderdach.⁺ tusschen den II ende den III huerren naer der middernacht, vriendach bedaeghende, was inneghenomen per amblée de stede van Dicxmude by die van Ghendt, ende worden daer inne besloten by den volcke van oorloghen van den Westquartiere ende andere.

Den XXVI^en der zelver maent in 't voorscreven jaer XCI, schieden de voorscrevene ghezellen van Ghendt uuter voornoemde stede van Dicxmude, behauden haer lyf ende al dat zy daer inne brochten ende een selveren juweel openbaerlic uutbrynghende⁽³⁾.

Den XXVIII^en dach van maerte anno XCI, wesende 's woondaechts, in de half vasten weke, ten XII hueren van den nacht, donderdach bedaeghende, was by die van Ghendt, in ghetaele omtrent C ende L ghezellen van oorloghen, inneghenomen de stede van Gheerraertsberghe⁽⁴⁾, die ghepilgiert, verbrant. ende myn joncheere van Boelare, capitain aldaer, ghevanghen brocht in de stede van Ghendt, maer in 't afkeeren waeren de ghezellen van Ghendt som afgeworpen van den Heynewiers ende ghevanghen. Binnen der zelver stede waeren, ter huerre van innemene, meer ghezellen van ghaernesoene dan die ze inne-

+ 1492. f^o 221 v^o

(3) Zie hierover Excellente Cronycke, f^o cclxxiij r^o; Despars, D. IV, blz. 509-510.

(4) Zie Excellente Cronycke, f^o cclxxiv v^o.

[p. 270]

naemen, die alle vloden up de Halle ende up Dierencost⁽¹⁾.

⁺ Up den XIIII^en dach van wedemaent anno XCII, track uute Arent de Cleerck⁽²⁾ van Lederenne, capitain van den lantvolcke, omme te ghaene naer Deynse, daer die van der ghaerde haer steercte ghenomen⁽³⁾ hadden, ende mids dat hem lettel volcx byquam, keerde hy weder inne, ende commende met zynen ghezellen, in ghetale omtrent C ende L, up de plaetse van Scepenhuuse, quam hem te gemoete Jan Van Coppenhole, overdeken, die den zelven Arende belooft hadde te volghene, ende naemen onderlinghe zulcke woorden als dat de zelve Jan daer ter plecken versleghen zoude hebben geweest, hadde de voornoemde Arent niet beschudt. Binnen dezen, wart Remeeux Hubeert versleghen by Joose Bilget, scipman, met zynen medepleghers, daer eene wapenynghe uute rees, soe dat de ghemeene inzetenen ter maerct trocken met haerren bannieren; de voornoemde Jan Van Coppenhole ende meer andere zyne complycen worden ghevanghen⁽⁴⁾.

Up den XVI^en der zelver maent, was de voornoemde Jan Van Coppenhole gheexecuteert up de Vriendachmart ende met hem Fransoeis Van Coppenhole, zyn broedere, beede wesende van eender dracht⁽⁵⁾, te wetene, Jan, omme dat hy raedt ende advys ghegeven hadde den poortere van deser stede te brynghene van levende lyve ter doot zonder wet ende vonnesse, ende Fransoeis, omme dat hy up Sente Michiels dach, in 't jaar XCI daer te voorren, versleghen hadde Hubeert Van Luerbrouck, deken van der weverye. God ghedyncke alle zielen. Naer de executie schiet men van der maert⁽⁶⁾.

Up den sondach, den XII^en van oughste anno XCII, was ghe-

(1) Naam van een toren te Geeraardsbergen.

+ 222 v^o

(2) Bijgenaamd de Ploughenare.

(3) Haer steercte ghenomen, zich verschanst.

(4) Zie Jan van den Vivere, blz. 46; Memorieboek, D. I, blz. 360; Excellente Cronike van Vlaenderen, f^o cclxxv r^o (2^e kol.).

(5) Tweelingkinderen.

(6) Molinet, D. IV, blz. 204; Excellente Cronike, f^o cclxxv r^o; Despars, D. IV, blz. 519-520; Piot, Chroniques de Brabant, blz. 277.

[p. 271]

ordonneert een processie generale, danof de verghaederynghe ghehauden was te Sente Jacops kercke, ende den dienst ghedaen t'Sente Nycolaes, ende voor 't uutghaen van der zelver processie was ghepublieert den paix tusschen den hertoghe van Zaxen, als lieutenant general van den roomschen conync ende den hertoghe Philips, ende die van Ghendt an d'andere zyde⁽¹⁾.

Ghendt zyt nu in tyts voordachtich,
De grave van Vlaenderen es hu te machtich.

(1) De Vrede van Katzand op 30 Juli 1492, bij Despars, D. IV, blz. 423; zie ook Diegerick, Inventaire d'Ypres, D. IV, blz. 194 en volgende. Vgl. Ch. Piot, Chroniques de Brabant et de Flandre, blz. 278.