Dagboek van Gent van 1447 tot 1470. Deel 2

[1493]

Extract uut de rekenynghe van Willem Snellaert, als bouchaudere t'anderen tyden by scepenen van der kuere in Ghendt ghecommitteert, ende ghestelt by overeendraeghene van den goeden lieden van den drye leden deser stede, beghinnende te alf oughste anno M IIII^c XCII, ende hendende te alf oughste XCIII.

In 't capitle van den uutghevene ende betalynghe ghedaen⁺ ter causen van den paeyse van Tours, f^o LXXXIX, art^lo 1^o.

Eerst betaelt den camermeestere myns heeren 's hertoghe van Zaxen ende Ypolyte De Bertholz, meester van den pennynghen ons gheduchts heeren, ter causen van den zelven paeyse van Tours, de somme van XXV^m guldenen, ten XL grooten 't stic, die dese stede ghehauden was by den lesten paeyse te betaelene binnen der maent van oughste XCII, up de verbuerte van prevylegien, enz. Aldus hier in uutghevenne de voorscreve XXV^m guldenen, draghende in ponden grooten

IIII^m CLXVI liv. XIII sc. IIII den. gr.

Item, betaelt Roelant Le Fevre, ontfangher generael van^+ Vlaenderen, ter causen van den zelven paeyse, ...; comt in ponden grooten

II^c XI liv. gr.

+ 1493.

+ f^o 223 r^o

[p. 272]

Betaelt M^er Fernande van Luxbone, uuter name ende ten proffyte van Mer vrauwe de douagiere van Bourgoingnen	II^c LXVI liv. XIII sc. IIII den. gr.
Betaelt Jacop Du Buisson over den voornoemden ontfanghere general	IX liv. gr.
Betaelt Christoffels De Baronse, hoofmeestere ons gheduchts heeren	LXV liv. VIII sc. II den. gr.
Betaelt Jan Van Oudenhove, in den name van den huusghesinne ons gheduchts heeren, ter causen als voren, IIII^m guldenen; comt in ponden gr.	VI^c LXVI liv. XIII sc. IIII den. gr.
Betaelt Jan Cotreau, hoochbailliu van Dendermonde, in den name van mynder ghenadegher vrauwe de douagiere, ter causen voorscreven, VI^c guldenen; comt in ponden grooten	C liv. gr.
Betaelt Ghyselbrecht Bosch, in den name van den ontfangher van Vlaenderen, ter causen voorscreven	XXX liv. gr.
Betaelt Symoen Van Cordes, als bewys hebbende van den ontfanghere general, ter causen voorscreven	CXX liv. gr.
Betaelt M^er Fernande van Luxbonne, over mynder ghenaedegher vrauwe de douagiere, up de voorscrevene XXV^m guldenen ghevallen als boven	II^c liv. gr.
Betaelt Christoffels De Baronse, hoofmeestere ons gheduchts heeren, ter causen als boven, III^c XCII guldenen; comt in ponden grooten	LXV liv. VIII sc. II den. gr.
Noch betaelt Christoffels De Baronse, voornoemdt, 't payement van 't Sente Jansmesse XCIII, de somme van XI^c LXXVII liv. VII sc. IIII den. par., van veertich grooten vlaemscher munten 't pont; comt in ponden grooten	CIIII^xx XVI liv. IIII sc. VI den. gr.

Ten XII^en in ougste XV^c XCII, waeren, by advyse van scepenen van der Kuere, uut deze rekenynghe ghetrocken de naervolghende vyf quahieren, bedraghende in ontfanghe XIX^c liv. V sc. XI den. groot. IX den. par., uut causen dat de zelve quahieren inhoudende waeren diverssche paertyen van leenynghen by den inzetene deser stede ghedaen, de welcke

[p. 273]

metten andere boucken van der voorscrevene leenynghe gheleit ende ghesloten zyn in de traelge binnen der caemere van der kuere. My present.

Grutere.

Overbrocht by Jan Van der Valeyen, Heynderick De Lieve ende Jan Van Loe, den II^en in Junio XCIIII, ter presentien van Gillis Van Zonnemaere.

Rekenynghe ende bewys, die de audituers deser stede met haerlieder secretaris ende andere drye persoonen uute drye leden daer toe gheordonneert, doen van alden ontfanghe ende uutghevene by hemlieden ghehadt ende ghedaen uut laste van scepenen van beede de bancken ende beede de dekenen anghaende der leenynghe, die de inzetenen derzelver stede ghedaen hebben by ordonnancien van scepenen ende beede de dekenen voornoemt, omme 't behout van previlegien, rechten ende vryheden deser stede die verbonden stonden voor d'eerste XXV^m guldenen, sprutende uuten payse van Tours, omme dezelve pennynghen bekeert te werdene in de betalynghe van X^m guldene, restende van voorseyde XXV^m, den ontfanck beghinnende metten XII^en daeghe van Novembre, anno M IIII^c XCII, ende hendende metten XXII^en daghe van Lauwe in 't zelve jaer.

Dese rekenynghe es oversien ende ghevisenteert gheweest⁺ by Willem De Vos, Fransoeis De Vriese ende Jan Van Kerrebrouck. My present.

J. Beys.

Scepenen van der kuerre naer 't rapoort hemlieden ghedaen by den ghecomitteerden ter andiennene van der rekenynghen deser steden, dese voorscrevene rekenynghe oversien ende ghevisenteert hebben, consenteren in 't sluten ende approberen van dien, behouden de appostillen van dien daerup ghescreven. Actum in 't Colege, den X^en in Novembre XCVI, ende gheteeckent

J. Hueribloc.

+ f^o 223 v^o

[p. 274]

Up den woonsdach van den Quartertempere, den XXX^en in meye anno XCIII, in de Syncxendaeghen, wart te Ghendt uutghelesen den pays tusschen den conync van Vranckeryck ende den eertshertoghe Philips ende zynen landen⁽¹⁾.

De hertoghe van Zaxsen quam binnen Ghendt, ende ghynck metten heleghen sacramente, up den Sacramentsdach, van Sent Jans.

Den XIX^en in oughste anno XCIII, overleet deser weerelt Fredericus, keyser van Roome, vader van Maximiliaen, binnen der stede van Lyns⁽²⁾, ende es begraven in de hoofstede van Oostenryck, ghenaemt Weenen. God ghedyncke alle sielen.

(1) Vrede van Senlis, 23 Mei 1493, afgedrukt in de Preuves de l'Histoire de Charles VIII, blz. 640.

(2) Lyns, Linz, in Oostenrijk.