Dagboek van Gent van 1447 tot 1470. Deel 2

[1470]

Een steecspel dat men hiet un pas, ghehouden by eenen ruddere van avontueren te Ghendt⁽¹⁾, up de Vrindachmaerct an⁺ de zyde ten plaetsekin waert, in laumaent LXIX (1470 n. st.) jeghen alle de ghene diere commen wilden; daer was een paerck ghemaect ende up d'hoosthende een rykelic huus van berderen, daer de beroupers altoos uut ende inquamen, up d'westhende lach myn gheduchte Heere ende zynen staet, ende t'allen zyden waren stellagien omme 't volck, ende de berouper reed jeghen elcken man diere inquam een glavye zonder meer ende dan sloughen zy XVIII oft XX slaghen met zweerde d'een up d'andre, ende doen sciedense de crywaerders. Alle daghe verandwoorde de beroupere drie ten minsten, ende t'elcken eenen te gadere; daer quamen vele verweerers, waren oock alle verhandsvert, ende het was een seer schoon, costelic ende ryckelic dynck om al te anziene.

De leenhouders alle myns Heeren landen duere moesten mynen gheduchten Heere dienen in wapenen, alzo wel de cleene als de groote, toebehoorende gheestelic ende weerdelic ende van wien dat men se hielt, te wetene: elcken IIII^c lib. parisis tsjaers, moesten doen eenen man van wapenen met drie peerden ende VI archiers, oft gheven van tien pennynghen de zesse oft van de drie, maer weduwen ende weesen en gaven maer de heelft van dien, zonderlynghe in Vlaendren, ende myn gheduchte Heere vertoochde vele redenen ter contraryen, waer by hy sculdich hadde gheweest hemlieden te verdraghene by prevylegien ende andersins, dat den ghue-

(1) Hertog Karel bevond zich te Gent van 19 December 1469 tot 20 Februari 1470; aldaar ontving hij op 31 Januari de ridderorde van den Kouseband; zie Ancienne Chronique bij Lenglet, D. II, blz. 195.

+ 1470.

[p. 227]

nen dochte die 't ghelden moeste groote nieuwichede, ende waren daer omme vele lieden murmurerende⁽¹⁾.

(1) Zie daarover La Chauvelays, Les armées de Charles le Téméraire, Paris, 1879.