Dagboek van Gent van 1447 tot 1470. Deel 2

Van den scependomme begonste t'alf ougste anno XIIII^c LXIX.

In dit scependom hadden diversche persoonen vercreghen⁺ ghiften ende lettren van mynen gheduchten Heere van diverschen offitien, ghelyck van ontfanghere, greffieren, secretarissen, cleercken van weesen, weerdschepen van mynen, van visschers ende vele andere ghelycke te lyve, alzo wel binnen Ghendt als binnen den andren particulieren steden van den vier Leden 's lands van Vlaenderen, Curterycke, Audenaerde, Aelst, Nyeupoort, Oosthenden, Blanckenberghe ende andre die de voorscrevene stede alle zelve plaghen te ghevene ende stellene, ende omme daer inne te remedierne ende oock eeneghen te verstekene van den possessien daer zy hem hadden doen stellen, zoo gaven de voornoemde ghedeputeerde van den

+ f^o 209 r^o

[p. 226]

vier Leden ende particulieren steden myns gheduchs Heeren over een supplicatie daer mede dat hy te dier waerften de voorscreve ghiften worden wederstaen tot mynen gheduchten Heere by informatien, die hy zoude doen hooren oft daer up anders ordonneren zoude.