Dagboek van Gent van 1447 tot 1470. Deel 2

Van den scependomme begonst t'alf ougste anno XIIII^c LXVII.

In dit scependom, in octobre, trac men, ter bede van den prince, te Ludicke waert, te wetene, uut Ghendt, omtrent II^c personen, daer af meester Jan Van der Asselt, surgien⁽²⁾, wonende in de Veltstrate, capytain was, ende voerden den Witten Leeu in een banniere, waren wel voorzien van carynen ende wapenen, alzo der oorloghe toebehoort, hoewel de ghemeente dat ontseyt hadden; maer die ghezellen waren ghenomen in 't particuliere ende betaelt van den goeden mannen van der stede, daer toe ontboden by der wet.

Myn gheduchte heere wan de stede van Sent Truden ende al 't landt van Loen ende al 't landt van Ludeke t'zynen wille in de maent van novembre, ende maecte tractaet met die van der stede van Hasselt ende van den graefscepe van Loos, alzo die lettren diere af zyn, inhauden, ghemaect in zyn heerre te Lowaige, in 't landt van Ludeke, up de riviere, den VIII^en dach van novembre in 't zelve jaer LXVII⁽³⁾.

(2) ‘Boven den sommen van penninghen die eeneghe notabele ende goetwilleghe van dezer vornoumde stede gaven’, moest de stad nog 88 p. gr. betalen, Stadsrekeningen 1467-68, f^o 302 v^o. De hoofdman was de surgien of heelmeester, ‘Jan vander Asselt, gheseyt van Nieulant’, Memorieboek, D. I, blz. 268.

(3) Lowaige is gelegen op de Geer, ten Z. van Tongeren.

[p. 209]

Die van Sente Truden maecten ooc tractaet met hem, den II^en dach van der zelver maent van novembre LXVII, naer 't inhauden van den zelven lettren diere af zyn⁽¹⁾.

Den XIX^en dach van der zelver maent, waren te Ghendt weder gheconsenteert ende upghestelt loop hebbende alle de quellioten als te vooren, uutghesteken van den coorne.

't Saterdaechs, den XXVIII^en dach van novembre voorseit, drouch men te Ghendt processie generale tot Sente Jans, te Ghendt.

't Jaer van gratien⁽²⁾, alzoo 't te Roome plach te zyne t'elcken L jare, t'Sente Jans ende begonste ten eersten Vesperen van den Advente ende gheduerde tot der Drie Conynghen dach LXVII[I], ende dien dach al.

Van der ontpaeytheden van mynen gheduchten Heere waren⁺ ghegheven zekere artyclen meester Mathyse de Grootheere, pentionaris van der stede, den XXVII^en dach van maerte LXVI, voor Paesschen⁽³⁾, de welcke articlen te Ghendt vertoocht waren zulck als verclaert zyn in 't naeste volghende blat te deser teeckene, up dwelcke articlen vele communicatien ghehauden waren ende daer up ghesonden by mynen gheduchten Heere ten diverschen stonden⁽⁴⁾.

(1) Over den tocht van den hertog welke eindigde met den zegepraal van Brusthem (28 October) en de onderwerping der Luikenaars, zie J. Foster Kirk, Histoire de Charles le Téméraire, D. II, blz. 149 vlgde; J. Daris, Histoire du diocèse et de la principauté de Liège pendant le XV^e siècle (Liège, 1887); Garnier, Louis de Bourgogne, évêque de Liège (Paris, 1860); P. Henrard, Les campagnes de Charles le Téméraire contre les Liègeois (Annales de l'Académie d'Archéologie, 1867).

(2) 't Jaer van gratien, Jubileum jaar; het cijfer L werd door den kopist vergeten; zie over dien grooten aflaat het Memorieboek, D. I, blz. 271; Excellente Cronijcke van Vlaenderen, f^o cxxxiij r^o, en Stadsrekeningen 1467-68, f^o 303 r^o.

+ f^o 203 v^o

(3) Lees LXVII.

(4) Zie verder f^o 204 v^o in fine.