Dagboek van Gent van 1447 tot 1470. Deel 2

[1460]

⁺ Item, den IX^en dach van ougste, anno LX, was gheleyt dit voorghebot: ‘Uute dien dat claerlic ter kennessen commen es dat Jan De Vos, ballync 's lands van Vlaendren ende deser

+ 1460.

[p. 189]

stede, ghehecht⁽¹⁾ ende ghestroyt heeft horrybele quade ende veynselicke brieven te diversche plaetsen in grooter menichten, omme beroerte te makene binnen deser stede, daer mede de zelve stede hadde moghen commen in qualync vaerden ende in grooter cleenicheden⁽²⁾ van den edelen persoon van onsen harden gheduchten Heere ende prince, dwelcke onghedoghelic es, zo gheeft men te kennene ende verzekert elcken wie hy zy, dat zo wie den zelven Jan De Vos vervolghen zal, als datter justicie af gheschie, waer dat hy zal hebben van der stede goede II^c lib. parisis, ende boven dien, up dat de justicie gheschiede binnen deser stede, zyne redelcike costen die hy daer omme ghedaen zal hebben.’

(1) Ghehecht, aangeplakt; de oude hoofdman der Gentenaars in 1452 en 1453, had op 4^en Oogst ‘briefven ghestroyt voor 's Gravensteen ende andere plaetsen’, ‘die zeer vreemdelic luden ende wonderlic spraken angaende onsen prince ende de regierders der stede van Ghent’, Memorieboek, D. I, blz. 255.

(2) In grooter cleenicheden, in groote verachting, kleinachting.