Dagboek van Gent van 1447 tot 1470. Deel 2

Van den scependomme begonst t'alf ougste anno XIIII^cLIX.

In dit scependom, Lodewyck, 's conyncx van Vranckerycke oudste zone, wesende Daulphin, quam te Ghendt, 's maendaechs den V^en van novembre anno LIX, ende lach t'huus in de Hoghe Sceltstrate, in 't huus van wylent Joos Vyd⁽²⁾, doe woenende daer Mer Claeys Triest, ruddere, hoochbaelliu van Ghendt. Men ontfynckene met grooter eeren, men vierde al Ghendt duere by voorgheboden van allen ambochten; daer waren te winnene prijsen, te wetene, XII kannen wyns van scoonst ende costelicxst staet te haudene; item VIII kannen wyns die hilden den scoonsten ende costelicxst staet; ende daer naer noch III kannen, waerent ghebuerten, ambachten, wycken oft ghezelscepen; item wie dat ghenouchelicste esbatement speelde voor der Stathuus, VIII kannen, ende daer naer vier kannen, ende daer naer II kannen, al 'ts avonts naer zyn incomste⁽³⁾.

Item, de zelve Daulphin trac wech 's woondaechs noenens, den VIII^en dach van der voorscrevene maendt, t'Ardenburch

(2) Joos Vijd, heer van Pamele, bestelde aan Hubrecht van Eyck de Aanbidding van het Lam.

(3) Memorieboek, D. I, blz. 253.

[p. 188]

waert⁽¹⁾; men gaf hem schoone giften, men bat hem dat hy⁺ wilde verweerven an onsen prinche de openynghe van beede poorten up de Scelde, mids dat hy duer d'eene, te wetene t'Sente Lievins poorte, inquam, ende te zynder bede quamen de ballynghen in, ende onder d'andere, Pauwels Wandelaert ende andere, midsgaders Jooris Sersanders, wetteloos, ende andere, ende de ghevanghenen in 't Chastelet waeren ontsleghen, mids ghenouch doende partien, enz.

Item, 's daechs voor 't incommen van den zelven Daulphyn, te wetene, 't sondaechs avonts, den vierden dach van novembre, waeren te Ghendt ghevaen Mer Anthonis de Rekempré⁽²⁾, ruddere, van dootslaghe, ende gheleedt in 't Chastelet, met drie andere persoonen, vervolghers, ende ten vervolghen van eenen sergant royael; ende worden, ten voorscreven incommene van den Dolphyn, metten anderen ontsleghen, enz.

Item, 't saterdaeghs, den XXIIII^en dach van novembre, anno LIX, zaten in pelleryn⁽³⁾ drie wyven van lichten levene, omme dat elc zynen boele hadde ghegheven zulcke substancie onnatuerlic ende onghehoorlooft eeneghen meynsche, omme dat hy te liever hebben zoude⁽⁴⁾, daer af d'een van hemlieden gheladen hadde groote quale in vreesen van den lyve, jeghen kerstin gheloove, ende bevolen elcken up dlyf van ghelycken te wachtene, ende worden tsnoenens alle drie ghebannen.

(1) Over zijn oponthoud te Brugge, zie Excellente Cronike, f^o ccxxv.

+ f^o 196 r^o

(2) Lees Rubempré; waarschijnlijk dezelfde welke te Gorkum in 1464 werd aangehouden beticht Charles de Charolais te hebben willen oplichten; zie O. de la Marche, D. III, blz. 3; Chastellain, D. V, blz. 81 vlgde; Chroniques de Flandre et de Brabant, uitg door Ch. Piot, blz. 216.

(3) Zaten in Pelleryn (Pellerijn of Pilorijn), werden aan de schandkaak gesteld, op de Vischmarkt bij het Galgenhuis; zie Inventaire Archéologique de Gand, fiche 44.

(4) Om dat hy te liever hebben zoude, om hem meer liefde in te boezemen.