Dagboek van Gent van 1447 tot 1470. Deel 2

De la bourgoisie.

‘Dont le prevylegie, donné par le conte Guy, l'an mil II^c IIII^xx XVI, le lundi après Pacques flories⁽³⁾, faisant mention:

(3) Die groote keure van Gent is afgedrukt bij Gheldolf, Coulumes de Gand, D. I, blz. 426-495, en ontleed door Warnkoenig-Gheldolf, Histoire de la Flandre, D. III, blz. 91 vlgde. Vgl. ook Dagboek, D. I, blz. 88.

[p. 123]

“Et quiconques de hors vient demourer avecq bourgois de Gand et se est en sa despence de mengier, de boire et de habiz et que le bourgois avec qui il demeure prent sur soy sèrement qu'il demeure avec luy, celuy qui est venu de dehors doit estre requiz pour bourgois ausy longuement qu'il demeure en la ville”. D'une autre clause: “Et quiconques de hors vient demourer dedens la ville, s'il meurt en la ville, sa bourgoisie le doit affranchir de toute servitude et du melieur cathel et de tout hooftgavel⁽¹⁾ à tous seigneurs, qui qu'ilz soient, et ce doit l'en faire selon la loy de la ville de Gand”; ceulx de Gand sont bien contens que la dicte bourgoisie se face et entretiengne selon le contenu de ce prevylège, et se, indeuement contre icelluy prevylège l'en a usé en réception ou aultrement, que ceulx, qui l'ont fait, en soient pugniz et que le semblable plus ne avyègne.⁺

‘Et pour ce que en la II^e clause du dit prevylège est contenu: “Et quiconques de dehors vient demourer dedens la ville et fait ce que bourgois doit faire et demeure jour et an dedens la ville, s'il muert etc.”, sans expresser ce que les bourgois doivent faire, et que, soubz umbre de ce, l'en y peult avoir abusé, ceulx de Gand sont bien contens que en acquirant la bourgoisie par demeurer, chascun qui acquerre la vouldroit, soit doresenavant tenu de venir pardevant les eschevins de la Kuere en la ville de Gand dire son nom et le faire enregistrer en ung nouvel registre que l'on fera, servant à réception de la bourgoisie, et après ce registrement, sera tenu de tenir hostel ouvert en la dicte ville selon son estat, et les povres qui n'ont faculté de tenir résidence en corps avec ses femmes et enfans et la plus grant partie des ses biens muebles, an et jour, et ce faire apparoir par tesmognaige des voisins dignes de foy et de loy, par serement solempnel, devant ung eschevin de la Kuere du moins, avant qu'il soit recogneu pour bourgois. Et est bien à entendre que nul ne porra acquérir sa bourgoisie

(1) Hooftgavel, gabelle capitale, chevage.

+ f^o 169 v^o

[p. 124]

par demuere en hostellerie, et que pareillement ne le pouront acquérir ceulx qui sont en tutèle et en subjection de père et de mère⁽¹⁾.

‘Item, et pour entretenir la dicte bourgoisie, ainsy acquyse par demuere, fauldra que chascun tiengne résidence en la ville de Gand et maison ouverte, ou une chambre selon son estat, sans ce que aultre ait demourè en icelle, les dictes maisons et chambres estoffées et mueblées raisonablement de leurs propres biens, chascun selon son estat, et ce à la discretion de sept eschevins de la Kuere du moins, et icellui qui ainsi sa bourgoisie ne entretiendroit, il la perderoit et avec ce payeroit yssuwe de son avoir.

‘Item⁽²⁾, seront tenuz à Noel, Pasques et Pentecoste tenir leur résidence personnellement avec femme et enfans publiquement en leur maison ou chambre dedens la ville de Gandt et à chascun d'iceulx termes y demourer et séjourner six jours continuels, exceptés ceulx qui vont aux franches foires, comme Anvers, Bergues et aultres, et qui auroynt empeschement de maladie, de prichon, pélerinaige, prevylègie et aultres raisonnables, sans fraude et malengin, qui seront quittes et déchargés de la dicte résidence.

⁺ ‘Item⁽³⁾, que les mestiers qui ne se peuvent acquérir sans ce que l'on soit premiers bourgois, comme tixerans. les V mestiers, foulons, meuniers et aultres semblables, seront tenus doresenavant de nulz affranchir en leur dit mestier, se ce n'est que premièrement ceulx qui ainsy vouldroint estre reçuz, apportent avec eulx recognoissance des eschevins de la Kuere de leur bourgoisie, et qui aultrement le feroit, la dicte réception seroit nulle, et avec ce seroient ceulx qui les recepvroint pugniz à la discrétion des eschevins, et que telz bourgois qui ainsy

(1) Voorgebod der schepenen op 11 Oogst 1431, afgedrukt bij Gheldolf, Coutumes, D. I, blz. 608.

(2) Vgl. D. I, blz. 90.

+ f^o 170 r^o

(3) Ibid., blz. 89.

[p. 125]

acquiront aulcun d'iceulx mestiers, ne seront tenuz de faire la dicte résidence que trois jours.