Dagboek van Gent van 1447 tot 1470. Deel 2

De procuratie.

‘A tous ceulx qui ces présentes lettres verront ou orront, eschevins des deulx bancx, les deux doyens des mestiers et des tysserans, les petiz doyens, jurez, conseilliers et tout le commun peuple de la ville de Gand assemblez en la manière accoustumée, Savoir faisons que avons fait, ordonné, constitué

[p. 79]

et establi, et par ces présentes faisons, ordonnons, constituons⁺ et establissons noz procureurs généraulx et certains messagiers espéciaulx, noz bien amez conborgois, Gillis Baudins. Guyllame Pottier, Joosse Van Leyns, Symon Borluut, Oste De Gruutere, Guyllame Donnaes, Jheronimus Caubrake, Jehan Le Bels, Jacques De Beulaer, Jehan De la Moure, maistre Hestin Ghyselins, Gheerolf De Ooteghem⁽¹⁾, pour eulx transporter en la ville de Lille devers messeigneurs les ambassadeurs du Roy, nostre souverain seigneur, envoyés de pardeça pour la pacification de guerre et des débas et des différens cstans entre nostre dit Seigneur et prince naturel, monseigneur le duc de Bourgoingne, de Brabant et de Lembourg, conte de Flandres, d'une part, et noz d'aultre, et avons aux devantdiz procureurs donné et donnons par ces présentes plain pooir, auctorité et mandement espécial de pour et ès noms de noz et de la dicte ville de Gand, tous ensamble ou la plus grande et plus sainne⁽²⁾ partie d'eulx, proposer ou faire proposer devant noz diz seigneurs les ambassadeurs et à iceulx bailler par escript et faire lire devant eulx publiquement, si mestier est⁽³⁾, les pointz et articles que leur avons chargez et baillez en nostre dicte assemblée, sur iceulx requérir et demander remède, provision et réparation, ainsy qu'il appartiendra de droit, de aussy oyr les complayntes, poins et articles qui pardevant nos dits seigneurs les ambassadeurs porront estre proposés, allegués ou bailliés par escript du costé de nostre dit Seigneur et prince contre nous, sur icelles respondre, faire toutes allègations et deffences au contraire, soustenir

+ f^o 150 v^o

(1) Stadsrekeningen 1451-52 f^o 264 r^o: ‘Uutgheven van reden ghedaen by zekeren ghedeputeerden personen in den oerbuer van der stede te Rijssele by den ambassadeurs voornoumt. Eerst Willem de Pottier, Joos van Leys, scepenen van gedeele, Symoen Borluut, Willem Donaes, Hoste de Grutere, Jeronimus Caubrake, Jacop van Buelaer, Jan de Bels, Meester Hestyn Ghiselins ende Gheerolf van Oeteghem reden te Ryssele den eersten dach in ougste...’; hetzelfde voor Gillis Boudins en Jan van den Moure.

(2) Plus sainne, het gezondste.

(3) Si mestier est, indien het noodig ware.

[p. 80]

en droiz, prevylèges, franchises, lybertez, costumes et usaiges et communiquier tout ainsy et en telle manière que nous tous conjointement porrions faire se présents estièmes et nous faire⁺ bon et juste rapport de ce que ainsy par eulx sera proposé, baillé oultre par escript, ou respondu, communiquié et fait par devant nos dits seigneurs les ambassadeurs, sans autres voyes y prendre, ou pooir prendre à l'encontre conclusion, jusques à ce qu'il nous en auront fait iceluy rapport deuement et loyalement, ainsy qu'il appartiendra, afin que par avant icelle conclusion nous y puyssions avoir regart et délibération à la confirmation de nos dits droits, prévylèges, franchises, libertés, coustumes et usaiges, ainsi qu'il appartiendra. Sy permettons et avons entencion loyalement et [en] bonne foy, avoir et tenir pour aggréable, ferme et estable à tousjours tout ce entierement qui par noz devant diz procureurs ès choses dessusdictes et deppendentes d'icelles, en la manière dessus déclarée, sera proposé, baillié par escript, respondu, allégué, fait et soustenu pardevant nos dits Seigneurs les ambassadeurs, comme si tous présens y eussions esté, sans jamais faire, dire ne venir à l'encontre en aulcune manière. En tesmoing et recognoissance de verité, avons à ces dictes présentes lettres fait mettre le grant seel de la dicte ville de Gand, le darrain jour de jullet, l'an XIIII^c et LII.’

+ f^o 151 r^o