Dagboek van Gent van 1447 tot 1470. Deel 2

[p. 74]

Afbrekynghe van huusen.

Item, met welcken bestande zy terstont trocken up den zaterdach, 't welck was Marie Maechdeleenen dach, XXII^e dach in hoymaent. Tsnuchtens tilic⁽¹⁾ brac men af Jans Van Huusen huus, in de Veltstrate, alzo verre als men conste, totter noene toe dat 't bestant inghync, ende nyet langher en duerde.

Item, ten zelven daghe, ontrent den tien hueren, quam een pyckaert ghereden te Ghendt in 't Looc, up de Vischmaerct, met Sente Andries Cruuce vooren ende bachten, wart ghevanghen ende terstont by eeneghen saudeniers van den Ynghelschen ghevoert buuter Deerremontscher poorten, t' sente Baefs, by⁺ Jacops Shaghers goede, ende daer ghehanghen an eenen boom⁽²⁾.

(1) Tilic, vroeg. Stadsrekeningen 1452-53, f^o 332 v^o: ‘Item Zegheren van Roome van den huus te deckene ende repareerne staende naest den huuse dat toebehoorde Janne van Huusse dat mids den afdoene van den zelven huus te broken was’.

+ f^o 148 v^o

(2) Vgl. Kronijk, D. II, blz. 157.