Dagboek van Gent van 1447 tot 1470. Deel 2

D'eerste submissie.

‘Hooghe ende moghende heeren, den heeren van den⁺ ambassaden van den Coninc van Vranckerycke, onsen souveraynen heer, capitain, scepenen van beede den bancken, beede

+ f^o 138 r^o

[p. 52]

de dekenen, raetslieden van den capyteyn ende al 't ghemeene van der stede van Ghendt, saluut met alder oodmoedicheden ende onderdanicheden. Hooghe ende moghende heeren, wy, ghehoort hebbende de relatie ende anbrynghen ons ghedaen by eerweerdeghen vadere in Gode mynen heere den prelaet van Dronghene, den prioor van den Saertrusen, metsgaders twee van onsen dienaren, Gillis Baudins ende meester Jan Van der Eecken, van 't ghuent dat zy, achtervolghende haren laste by onslieden hem ghegheven up de materie, omme te commene by weghen van vriendelicheden ten paeyse ende ghenaden van onsen gheduchten Heere ende prince, mynen heere den hertoghe van Bourgoyngnen, voor hulieden, myn heeren van Doornycke, mynen heere den Cansellier⁽¹⁾ ende anderen van den voorscreven Rade ons voorseits gheduchts Heeren ende prince, gheprofereert, metgaders der andwoorde daer up ghedaen by den zelven mynen heere den Cansellier ende 't ghuent dat meer van der materie doe ghehandelt was; oock ghevysenteert hebbende ende oversien van poynte te poynte de cedulle ons by hemlieden ghesonden daer ghy meenynghe hebt dat men middele vinden zal van bestandt of uphauden van oorloghen goeden tyt hanghende⁽²⁾, den welcken goede conclusie hier nemen zal in de materie. Ende daer up vergaderynghe ghehadt hebbende met elcandren naer onse costumen ende ghesproken al in 't langhe by rypheden van rade, overmeerckende, alzoo 't warachtich es, dat wy van Gods ende natueren weghen sculdich zyn t'hebbene paeys met onsen natuerlicken Heere ende prince ende daer zonder gheene rechte, welvaert noch voorspoet moghen hebben ende mids dien alle den zelven paeys ende⁺ gratie met goeder herten begheerende, als 't recht es; omme daer toe te commene ende ter heeren van den voorscreven Coninck, onsen souvereynen heere, die by zynder hoocheyt

(1) Nicolas Rolin, heer van Autume; zie over hem Ch. Bigarne, Étude historique sur le chancelier N. Rolin, Beaune, 1860.

(2) Goeden tyt hanghende, voor eenen langen tijd.

+ f^o 138 v^o

[p. 53]

ende goedertierentbeyt, eer wy hem van onslieden screven, ghelieft heeft ulieden te lastene ons in paeyse te stellene by weghen van vriendelicheden ofte van justicien, alzo ghy ons te kennen wel hebt ghegheven ende ulieden daer toe ghepresenteert ende ooc dat denzelven Coninc, onsen souvereyn heere, daer naer ghelieft ons daer up te zendene zynen beslotene brieven die openbaer ter maerct ghelesen hebben gheweest, dies wy hem ende ulieden van den grooten goedertierheden, vriendelicheden by zynder gracien ons daer inne bewyst, bedancken in alder ootmoedicheden ende onderdanicheden, alzo wy sculdich zyn van doene, hebben over een ghedreghen ende ghewillichlic gheconsenteert, omme by den voorscreven weghe van vriendelicheden ten paeyse te commene, 't inhebben van uwen voorscrevene cedullen hier naer volghende ghescreven van woorde te woorde: Het dynct ut supra. Ende beloven mids al desen de voornoemde cedulle te vulcommene getrauwelic alzoo 't behooren zal, in kennessen van deser onser lettren van submissie des 't orconden, gheseghelt metten grooten zeghele van zaken der voornoemde stede van Ghendt, den V^en dach van hoymaent, anno LII.’