Dagboek van Gent van 1447 tot 1470. Deel 2

[p. 48]

Scharmutsynghe te Laerne.

Item, 's donderdaeghs den VI^en dach der zelver maent, trac Jacop Meeussone, metten Yngelschen te peerde ende andere voetghanghers, uute, daden een spryncreyse⁽¹⁾ ontrent Laerne, daer dat bleven wel XXII van 'ts prinsen lieden, uuten welcken 'ts princen lieden, zo wel 't groote heer te Laerne als andere, de vlucht an namen tot in Dendermonde.

Item, ende al datter stock draghen mochte, liep t'sente Baefs uute tot by Desselberghen, omme dat men zeyde dat eeneghe van 'ts princen lieden beleyt⁽²⁾ waren, dwelcke nyet en was⁽³⁾.

(1) Spryncreyse, uitval; vgl. Kronijk, D. II, blz. 154.

(2) Beteyt, ingesloten, omsingeld.

(3) Stadsrekeningen 1451-52, f^o 259 r^o: ‘Item van III vaten biers ghesonden den VI^sten dach in Hoeymaent den heere tSente Baefs...’.