Dagboek van Gent van 1447 tot 1470. Deel 2

Van den ballynghen.

Item, 's maendaechs den V^en dach van wedemaent, quam Claeys Van Munte⁽²⁾ ende zynen ghezellen, met meer anderen ballynghen, met grooter menichte van maghen ende vrienden, ten Scepenhuuse, begheerende hendelic gheroyert te zyne uuten ballyncbouc, dat de wet gheensins doen en wilde, mids dat in de andwoorde ooc nyet en hadde gheconsenteert ghezyn uuten conyncstavelen, maer moesten geven de Hooftmannen den ballyncbouck, ende ghynghender mede ten Toochuuse waert ende daden het volc daer vergaderen by trompetten, ende vergadert, daer worden de zelve ende alle de ballynghen die hem hadden doen teeckenen, uutgheroyert openbaerlic ende riepen in alle goet met zynen onghelde⁽³⁾, ende Mer Baudin De Vos ontsleghen up zekere, die hy doen zoude met zes notabelen persoonen binnen deser stede en up meer andere presentacien, die zy noopten ghedaen by den zelven Mer Baudin⁽⁴⁾.

(2) Zie over Klaas van Munte nog f^o 193 r^o; vgl. Kronijk, D. II, blz. 146-47.

(3) Riepen in alle goet, herstelden ze in 't bezit van hun goed.

(4) Boudewijn de Vos lag in 't Chastelet sedert 7 maanden.