Dagboek van Gent van 1447 tot 1470. Deel 2

't Saufconduut der natien.

‘Phelippe, par la grâce de Dieu, duc de Bourgoyngne, de Lotryck, de Brabant et de Lemburch, conte de Flandres, d'Artois, de Bourgoygne palatin, de Haynau, de Hollande, de Zeelande et de Namur, marquis du St-Empire, seigneur de Frize, de Salines et de Malines, à tous nous capytaines, nobles, très chiers estimés, touttes compaignies des gens d'armes de trait et aultres gens de guerre estant en nostre présente armée, à tous noz seneschaulx, baillis, officiers, justiciers et subgiets quelconques ou aultres lieutenants, saluut. A l'umble supplication et requeste des députez des marchans des nations residens en nostre ville de Bruges, nous avons donné et donnons de grâce espécial par ces présentes, bonne et loyale soureté durans six jours entiers, assavoir de jourd'huy, date de ces

[p. 29]

présentes, jusques au huitiesme jour de ce mois inclus et après non valable, révérendt père en Dieu, l'abbé de Tronchiennes, religieuses personnes, les prieurs de saint Bavon et Chartreux lez nostre ville de Gandt, à Damp Bauduin de Fosseulx, religieux dudit monastère de saint Bavon, et auxdits députez des marchans des nations de nostre dicte ville de Bruges estans de présent en nostre dicte ville de Gand, pour eulx et pour leur gens et serviteurs domestiques, sans fraude, jusques au nombre de cent personnes et autant de chevaulx ou aultres monteures et au dessoubz, pour pendant nostre dicte suerté venir par devers nous en ceste nostre ville de Dendermonde, y demourer et eulx en retourner ledit temps durant suerement, sauvement et paysiblement. Sy⁽¹⁾ vous mandons et à chascun de vous en droit soy⁽²⁾ et si comme à luy appartenant, que ledit abbé de Tronchiennes, prieurs de saint Bavon et des Chartereulx, Damp Bauduyn de Fosseulx et les dits députez des marchans des nations, résidens en nostre dicte ville de Bruges, avecque leurs gens et serviteurs domestiques, sans fraude, au nombre⁺ dessusdit, vous souffriez et laissiez aller, venir, passer, repasser, estre, demourer et retourner, soit à piet, à cheval, à char, se bon leur samble par voz villes, ponts, ports, passaiges, jurisdictions, destroix lieux et autres biens dont aurez la garde, playnement, seurement et paisiblement avecque leurs dits montoires et charios, or, argent monnoyé ou à monoyer, males, bouges, robes, vaissailes, joyaulx et tous leurs aultres biens et baigues⁽³⁾ quelconques ilz auroint avec eulx, sans leurs faire ou donner, ne souffrir estre fait ou donné, ne à aulcun d'eulx, en corps ne en biens, quelconque dommaige, arrest, destourbier ou empiechement, soit à l'occasion de la guerre et division estant de présent entre nous et cheulx de nostre dicte ville de Gand, noz ennemis rebelles et desobeissans, ne aultrement, en quelque manière que ce soit. Donné en nostre ville de

(1) Sy, ainsi.

(2) En droit soy, en particulier, pour sa part.

+ f^o 129 r^o

(3) Baigues, hardes, bagages.

[p. 30]

Denderemonde, le troysime jour de jung, l'an de grâce mil quatre cens cinquante et deulx.’⁽¹⁾.

(1) Zie over die afvaardiging de kooplieden der natieën, Chastellain, Chroniques, D. II, blz. 292-296, en verder f^o 130 r^o.