Dagboek van Gent van 1447 tot 1470. Deel 2

Van Sente Pieters⁽²⁾.

‘Memorie an den proost van Sente Pieters, den aelmoesenyer, metgaders den andren religieusen van den zelven cloostre, omme te adverteerne mynen heere den prelaet van den voorscreven cloostre, van zekere poynten die de voornoemde Hooftmannen van deser stede te kennen ghegheven hebben, welcke poynten de voorscreven Hooftmannen, in den naem van deser stede ende in prouffyte van deser voorscreven clooster ende den insetenen der zelver stede, begheert hebben vulcommen t'zyne, zonder eeneghe faute ofte dissimulatie daer up te vindene.

Eerst, dat mynen heere de prelaet ende de religieusen voorscreven ghereedscepe doen omme ghestoffeert te zyne⁽³⁾ van X of XII goede lovelicke peerden, ten fyne dat men die oorbueren moghen by den goeden lieden van deser stede, t'allen

(2) De heerlijkheid en abdij van St-Pieters palende aan Gent ten zuiden.

(3) Ghestoffeert te zyne, voorzien te zijn.

[p. 6]

tyden als 't noodt wesen ende den goeden lieden ghelieven zal, ende datte binnen acht daghen eerstcommende.

Item, dat zy ghecryghen ende fynantie maken van der sommen van vyf hondert ponden grooten, onthier ende Belokenen Paesschen eerstcommende⁽¹⁾, omme die ghedistribueert te werdene ten orbuere ende prouffyte van deser voorscrevene stede⁽²⁾ heeft ende hebben mochte, t'helpen betalene, ten⁺ goetdynckene van den Hooftmannen der voorscrevenen insetenen. Dies zal dese stede myn heere den prelaet⁽³⁾ voorscreven ende den cloostre goeden warandt doen, omme de zelve somme gherestitueert te werdene in tyden ende in wylen alzoo 't behooren zal.

Item, dat men de catheylen⁽⁴⁾, juweelen ende andre goedynghen den cloostre, religieusen ende den insetenen van diere toebehoorende, gheensins vervoere, vluchte, noch wech en doe, heymelic noch openbaerlic, wel wetende dat men der contrarie vonde, men zoude de juweelen, catheylen ende andre goedynghen applycquieren ter stede profyte als verbuert, ende by alzo datter eeneghe ghevlucht zyn, dat men die weder in 't voorscrevene cloostre delivereren up verbuert te zyne als boven, up dat men se buten den cloostre ghevlucht hadden of doen vluchten, zonder weder brynghen ende dat claer bevonden worde, die zouden zo hooghelic ghecorrigiert zyn, enz.

Item, dat de voorscreve prelaet die hem langhe gheabsenteert heeft uut zynen cloostre, daer omme dat de goede lieden van deser stede zeere t'onvreden zyn, stappans in zynen cloostre commen, want de zelve goede lieden t'hemwaerts anders nyet en meenen dan duecht ende en zouden nyet ghedooghen dat hem binnen deser stede zynde yet gheschiede in lyve oft in goede; ende by dien, zo waere hem de voorscrevene absentie van zynen persoon in toecommenden tyden ghescepen meer te

(1) 16^en April 1452.

(2) Hier schijnt iets weggevallen te zijn.

+ f^o 119 v^o

(3) Den prelaet, aan den abt Philips Conrault, eenen Bourgondiër, een der hevigste partijgangers van den hertog.

(4) Catheylen, meubelen.

[p. 7]

inderne ende dat insghelycx den goedynghen van den cloostre dan zyn presentie, want by zynder voorscrevene presentie hem noch zynen cloostre nyet messchien en zal.’