Dagboek van Gent van 1447 tot 1470. Deel 2

[p. 3]

Andwoorde up den zelven brief.

‘Eerbare, wysen, onsen gheminden vrienden, burchmeesters, scepenen ende raedt van der stede van Brugghe ende⁺ 's lands van den Vryen, Hooftmannen, scepenen ende raedt van der stede van Ghendt, saluut ende alle vrientscepe. Lieve ende gheminde vrienden, up uwe beslotene lettren by ons ontfaen, inhebbende zekere advertissement ulieden bescreven by eeneghen grooten ende edelen heeren, gheestelic ende weerdelic, wel beminnende ende begheerende de welvaert van den lande van Vlaendren ende zonderlynghe van deser stede van Ghendt, als van zo vele te doene met neerrendster ende oodmoedegher bede van eeneghen heeren, metgaders hulieden ende die van Ypre, an onsen gheduchten Heere ende prince, die God bewaren wille, ende ons allen te verweervene dat hem danckelic gheliefde te zyne dat harde, hoghe ende moghende princen, de hertoge van Cleven⁽¹⁾, de grave van Stampes ende de grave van Saint-Pol, de twee ofte d'een van hemlieden, zouden moghen middelaers zyn omme goede expedient te vindene die ghescillen uutstaende tusschen onsen harden gheduchten Heere ende prince ende dese zynder stede, ter welvaert ende ruste van den ghemeenen lande, hopende dat de zelve princen ende heeren zulck zyn ende dit landt ende dese stede van Ghendt zo beminnen, ghelyck wy weten dat zy hem gheerne daer toe voughen zouden, gheliefdet ons an hemlieden te verzouckene, biddende jonstelic met herten dat wy alle zaken voor ooghen hebbende, ons met oodmoedicheden daer toe voughen willen ende de voorscreve heeren oft eeneghe van hemlieden daer 't oorbuerlicxt zy dies te biddene ende verzouckene; voort dat ghy gheerne met allen neerenste met die van Ypre daer inne aerbeyden zult, zonder cost oft moeyenesse te spaerne ende uwe ghedeputeerde ende de ghedeputeerde van

+ f^o 118 r^o

(1) Jan, hertog van Kleef in 1445 (1419 + 1481), neef van den hertog.

[p. 4]

Ypre terstont hier by ons zenden omme te sprekene ende adverteerne van diesser ancleven mach, up dat wy by tractierelicken⁺ persoonen met hemlieden in vriendelicheden te communiquierne wille, dat wy met desen bode willen zenden andwoorde, met meer woorden in de zelve lettren begrepen, Ghelieve ulieden te wetene dat wy altyts gheneghen zynde goede advertyssementen daer duecht, prouffyt ende welvaert den lande ende desen stede af commen mach te anhoorne, daer naer te weerckene ende ons te voughene zonderlynghe te onsen gheduchten Heere waert als 't recht es, hebben oock alle middelen naer onsen vermoghene ghesocht omme den prinche ende heeren boven ghenoumt, dien wy groote vrienden vinden t'onser hulpe te vercryghene, ulieden van den zelven advertyssemente ende besoorchsaemheden vriendelicken bedancken, ende dat wy uwe ghedeputeerden, up dat u hier ghelieft te zendene, om ons van dese materien vulcommelicker te adverteerne, gheerne anhooren zullen in al 't ghuendt dat hemlieden gelieven zal te zegghene ende in 't beste te doene, alzo wy sculdich zyn van doene; maer omme dat hier binnen deser stede dese jeghenwoordeghe weke groote moeyte ende vergaderynghe ghescepen es t'zyne, achtervolgende der ouder costumen⁽¹⁾, daer nu meer vreesen ancleeft dan in tyden van paeyse, zo hebben wy, omme de beste ende meeste verzekerthede, uutghestelt de comste van uwen ghedeputeerden tot in sondaghe 'ts navonts⁽²⁾ eerstcommende te zyne hier in de herberghe. Ende hoe wel dat [wy] in langhen an nyemendt ghescreven hebben, mids dat ['t vole] begheert heeft dat men nyement scriven zoude, omme zekere zaken hem daer toe purrende, nochtans wel wetende dat 't zelve volc anders nyet en begheert dan onsen voorscreven gheduchten Heere ende natuerlicken prince in allen zaken te ghelievene ende al te doene dat goede, ghetrauwe ondersaten zyn sculdich te doene ende in justicien

+ f^o 118 v^o

(1) Namelijk het feest der Halfvastenmarkt dat zooveel volk in Gent lokte.

(2) 19^en December.

[p. 5]

gheregiert te zyne, wy scriven, omme wel doen wille, dese waerften an ulieden, ten fyne dat 't beste inne gheschien moghen, ende up dat 't voornoemde volck van dese waerft wel ghepaeyt zal wesen, dus wilt hier 't beste in doen voudelic⁽¹⁾⁺ zonder dissimulatie, alzo wy in ulieden vulcommelic betrauwen ende ghy zoudt willen dat wy duer hulieden daden dwelcke wy gheerne doen zouden. Dat kendt God die ulieden, eerbare ende wyse, lieve ende gheminde vrienden beware. Ghescreven te Ghendt, den XIII^en dach van maerte anno een-en-vyftich.

(1) Voudelic, eenvoudig.

+ f^o 119 r^o

Superscriptie.

‘Eersamen ende wysen, burchmeesters, scepenen ende raedt van der stede van Brugghe ende 'ts lands van den Vryen, onsen gheminden vrienden.’