Dagboek van Gent van 1447 tot 1470. Deel 1

Justicie.

Item, 'ts maendaeghs voornoens, ten neghen hueren, den XXVII^e dach van maerte, anno LI voor Paesschen, waeren by den drie Hooftmannen ghedaen onthoofden voor den steeghere van den Chastelette, Godevaert Braem, hoochbaeliu van den lande van Waes ende Jan van Heylbrouc⁽²⁾.

⁺ Item, dat ghedaen, men leede ter maerct up 't schavaut Lieven De Ruddere ende noch twee andre die de Hooftmannen daer stelden, in de coorden metten halse als oft hadde ghezyn 't pelleryn, ende zeydense uuter casselrie⁽³⁾ van deser stede, omme dat zy hier quade tydynghe brochten, ende ooc wies men hier dede, overdreghen hadden, costumelic ende dat up 't dlyf.

Item, daden voort lesen de andwoorde van der voorscrevene stede.

Item, maecten oock fugitiven aldus:

‘Omme dieswille dat vele diversche persoonen van deser steden vervremt hebben van haeren ghebueren, zo wel dat

(2) Vgl. verder f^o 186 v^o; Kronijk, D. II, bz. 128; Gachard, opus citatum, D. II, bz. 107; Chronique des Pays-Bas, D. III, bz. 479; Mathieu d'Escouchy, D. I, bz. 382; Stadsrekeningen 1451-52, f^o 213 r^o.

+ f^o 109 r^o

(3) Zeydenze uuter casselrie, men verbande ze uit de kasselrij; vgl. de Stadsrekeningen 1451-52, f^o 213 r^o; Lieven de Ruddere was knecht der overste der Bijloke en oud-dienaar van den voortvluchtigen Jan van Huusse; zie verder bz. 329.

[p. 325]

elcken beteeckent ende te kennen ghegheven was dat alle inwonende poorters binnen deser stede doen met hier uutgheseyt zynde, commen zauden ter stede waert ende die hem beduchtende waeren, zekere zoude stellen van 't ghuent dies men up hemlieden bevinden zoude, binnen acht daghen, doe eerstcommende, ende zo wie binnen der middele tyt nyet en quame oft compareerde, die zoude men, zonder langher delaey of vertreck, uutzegghen als viandt deser stede ende haerlieder mesdaet ende onverhoorichede zo hooghelic ende zo grootelic doen bekeeren met Gode, in zulcker wys dat elc spieghele ende exemple zoude wesen allen andren hem van ghelycken te wachtene; ende nyet jeghenstaende, enz., den voorscrevene voorgheboden, zo zyn daer of bevonden desobedient ende onvorhorich wesende de persoonen hier naer verclaerst:

Mer Stevin van Liedekercke, ruddere.

Guy Tscoutheete.

Claeys Van der Zickelen^(1).

Gheeraert Van Massemene, f^s Mer Daneels.

Eloy De Vroede.

Jan Van der Ketulle.

Jacop De Ketelboetre^(2).

Lievin Van Lede.

Fransoys Keercberch.

Jan Keercberch.

Zegher Bollaert.^+

Jacop van Melle.

Gillis De Cleerc.

Geeraert Ghoetghebuer.

Jacop Uuten Hove.

Jan Van den Denne.

Heyndric De Drooghe.

Roegier Everwyn.

Meester Robbrecht De Zaghere.

Pieter Van der Zickelen.

Philips De Jaghere.

Item, welcke voornoemde persoonen, noch eenich van hemlieden, commen ne zullen ter gracien oft poort⁽³⁾ van deser

(1) Deze drie eersten zijn drie oud-voorschepenen.

(2) Hij was eigenaar van het huis genoemd ‘den Grooten Steur’, op de Vischmarkt, en liet door Nabur Martins, op zijne kosten, de schilderij van het Groot Vleeschhuis vervaardigen; zie de Potter, Gent, D. II, blz. 353.

+ f^o 109 v^o

(3) Commen ne zullen ter gracien oft poort, zullen geen ontslag bekomen of het burgerschap wederkrijgen.

[p. 326]

stede, het neware by wille, octroye, consente ende overeendraghene van den drie Hooftmannen, die daer af eendrachtelic haerlieder octroy ende consent doen zouden moeten, ende naer haerlieder verlaten⁽¹⁾, by consente ende overeendraghene van den drien Leden van dezer stede ghemeenlic; ende waert by alzo dat men se binnen deser stede achterhaelde oft vercryghen mochte, zo zoude men se corrigieren ghelyc openbaer ballynghen, ende in alzo verren als zy oft eenich van hemlieden hebben eeneghe goeden binnen Ghendt ofte daer buuten, het zy in leenen, erfven, renten, huusen, juweelen oft sculden van baten⁽²⁾, zo zal men daer anne handtslaen ter stede behouf, als an 't goet van vianden van deser stede, zonder hemlieden of haerlieder hoyrs ende naercommeren daer an eenich recht te hebbene in eenegher manyeren. Ende midsdien, last men van den Hooftmannen weghen ende beveelt dat hem elc verdraghe⁽³⁾ yemende anders de voorscrevene goeden te notene, plotene⁽⁴⁾, te coopene ofte anveerdene te haerlieder prouffyte, maer dat elc wie hy zy hem verdraghe yemene anders betalynghe te doene dan den ontfanghere van deser stede, in den name van der zelvere, want andersins hemlieden gheen betalynghe oft paeyment doen en zoude, maer zouden anderwarf betalen ende hooghelic ghecorrigiert wesen, enz.’

(1) Verlaten, afstelling.

(2) Sculden van baten, leeningen.

(3) Verdraghe, wachte.

(4) Plotene, overnemen.