Dagboek van Gent van 1447 tot 1470. Deel 1

Dit zyn de poynten die voortyts onse gheduchte Heere gheconsenteert gheweest zyn van die van Ghendt, omme te zynder gratie dat al nyet ghebaet heeft.

⁺ ‘Eerst, hoe ons gheduchte Heere ontpaeyt was van der kuere van der wet die doen ghedaen was, t'alf ougste twee jaer zynde, dede zegghen dat se ontrechtvaerdelic ghedaen was, fortse en ghewelt ghebesicht by Daneel Sersanders ende den zynen up de kiezers die 't waren, nochtans dat al de quaethede

+ f^o 110 r^o

[p. 327]

ende 't gebreck daer inne ghedaen ende gheoorbuert gheschiet by den toedoene van meester Pieter Baudins, die doe commissaris was, met zynen medepleghers die met elc andren heymelick dachvaerden hilden voor den zelven alfougste⁽¹⁾ te Eecloo ende daer naer hier te Ghendt, bezeghelden elcandren daer up gaven ende vercochten d'offitien in 't let van der poortrien; ende als zy van huerer meenynghen nyet en consten vulcommen, informeerden mynen gheduchten Heere dat Daneel Sersanders ende de zyne al de quaethede ende onbehoorlichede die in de kuere gheschiet was, ghedaen hadden. Myn gheduchte Heere aldus gheinfoormeert, ne hilt de wet doe ghecoren nyet over wet ende begheerde hendelic dat men een andre kiesen zaude, daer men grootelic jeghen weygherde; niet min om mynen gheduchten Heere te ghelievene, alzo men wel sculdich was ende es van doene, ende ooc dat men zeyde daer mede myn gheduchte Heere ghepaeyt zoude wesen, hopende dat alzo gheweest zoude hebben, men consenteerdet ende werdt eene andre wet ghecoren den VIII^e dach in maerte⁽²⁾, het en wart daer mede nyet ghebetert.

Item, daer naer was eene communicatie by mynen heere van Doornycke, Santes⁽³⁾ ende andre, by den welcken ende zekere persoonen, daer toe ghecoren van deser stede, de zaken daer af hem mynen gheduchte Heere beclaghende was, in 't langhe ghehandelt waren, maer de heeren hilden altyts twee of drie poynten in questien, zo dat men daer af nyet ghesluyten en conste.

Item, datte overleden ende langhe alzo ghestaen, men gaf te kennene, wilden die van Ghendt 't paeyment van der zettynghe,

(1) 15 Oogst 1449.

(2) De kiezing gebeurde den 10^en Maart; indien de hoofdmannen zich van twee dagen vergissen is 't omdat de akte van den hertog, waardoor hij de commissarissen voor de vernieuwing der wet aanstelde, van 8 Maart gedagteekend is; zie het stuk afgedrukt in de Handelingen van den Geschied- en Oudheidkundigen Kring van Gent (1900), D. I, bz. 58.

(3) Hugues de Lannoy (1386 + 1456), heer van Santes.

[p. 328]

dat vallen zouden ten vulcommenden jare, vercorten, men zoude mynen gheduchten Heere daer inne grootelicx ghelieven ende de zaken van dezer stede zouden te bat ghenomen wesen; het was ghedaen ende es nyet ghebetert⁽¹⁾

⁺ Item, naer dien was een andre, dats dat Daneel Sersanders, Lievin ende Lievin waren heeren ende meesters van deser stede, mynen gheduchten Heere daer uuthaudende, ende alzo langhe als zy daer inne regierden ende waren, zo ne zoude hy hier nyet commen noch eeneghe duecht doen, maer waer 't dat die daer uut waren, het scheen dat hy hier binnen twee ofte drie daghen daer naer ofte emmers haestelic hier ghecommen zoude hebben. Ende al eys 't dat die van hier zyn, boven toezegghene⁽²⁾ ghedaen by zekere persoonen up de Collatie-soldre, daer mede en eys 't ooc nyet ghebetert.

Item, als naer al desen, hier de vergaderynghen, eerst in de huusen, daer naer hier ter maerct gheweest hebben, ende men nyet te weercke en ghynck, quam de tydynghe, wilde men scheeden ende gaen te weercke ende de ghevanghenen ontcommen, het zoude al goet hebben ghezyn; al eys 't zo gheschiet, het en esser ooc nyet ghebetert.

Item, doe scheen, hadde men eenen bode ghesonden omme 't saufconduut, men zaudt stappans hebben ghehadt. Al heeft men ghezonden de drie Leden, die eene maent daer omme uute ghezyn hebben, zy en hebben tot noch nyet connen vercryghen.

Item, nu eys 't, waeren de drie Hooftmannen af, het zoude al goed zyn, maer alzo langhe als die regieren ende in haer macht zyn, ne wilt myn gheduchte Heere noch en zal te gheenen tracte verstaen.

Item, hier up es wel te overmeerckène dat al 't ghuendt dat men, omme beters wille ende mynen gheduchten Heere te ghelievene, men eys 't wel sculdich gheweest te doene, ende al

(1) Zie hooger bz. 307, aanm. 1.

+ f^o 110 v^o

(2) Boven toezegghene, niettegenstaande het gegeven woord van Geeraard van Gistel en Colaart van den Clyte.

[p. 329]

noch ende altyts es men hem sculdich te ghelievene; up 't welcke dan ulieden gelieve te gader te sprekene ende 't beste daer inne te doene’⁽¹⁾.

(1) Daarop werd eene Collatie gehouden op 29 Maart (Stadsrekening 1451-52, f^o 213 r^o) waarin men besloot de Hoofdmannen meer dan ooit te behouden.