Dagboek van Gent van 1447 tot 1470. Deel 1

De andtwoorde van der stede van Curtrycke.

‘Eerweerdeghe, voorzieneghe ende wyze, harde lieve ende zeere gheminde vrienden, wy ghebieden ons jonstelic⁺ t'uwaerts. Ende up 't inhouden van uwen briefve, ghescreven den XXIIII^en dach van deser maent van maerte, ende by ons sichtent ontfanghen, zo ghelieve hu te wetene dat ons ende elcken onser uuterlic zeer leedt es ende hard, ende deerlic om hooren ende omme zien de onlede, 't vernoy⁽²⁾ ende druck al nu zynde ende ghescepen meerder t'zyne, dies God verde⁽³⁾, binnen den lande van Vlaendren, ter verderfenessen van den zelven ende van den insetene van dien, in goede ende lyve, indien dat Onse Heere daer inne nyet voorsien. By der wysheyt van ulieden ende omme dat elck goet kersten meynsche schuldich es te begheermen⁽⁴⁾ naer zyn macht de bloetstor-

+ f^o 104 r^o

(2) Vernoy, verveling, beklemdheid.

(3) Verde, afweere.

(4) Lees bescheermen, dit is schuwen.

[p. 315]

tynghe ende destructie van den zelven ende oock te zouckene daer toe de beste raden ende weghen die men goedelicx ghevinden ende ghepeynsen mach, zo eys 't dat wy aerm, rude ende slichte⁽¹⁾, die altyts gheerne zaghen dat alle jeghenwoordeghe ghescillen ende drucke afgheleyt worden ende alle zaken ter besten quamen, ter welvaert van ulieden ende van ons allen, u alzo onderdanichlic bidden als wy nemmermeer connen ende moghen dat ulieden, die van ouden tyden gheweest hebt de fonteyne ende wyshede, ghelieve al die t'achtervolghene, goeden ende wysen raet te zouckene, dien te gheloovene, alle zaken in 't beste ende in onderdanicheden t'overweghene, ende up de materie van uwen scrivene an ons, de drie Staten van desen lande te biddene te willen treckene by onsen gheduchten Heere, omme als goede ondersaten by dien middele te wesene ende te blyvene in onderdanicheyt ende paeyse van den zelven onsen gheduchten Heere ende in justicien, ter welvaert van allen zynen landen, van hu ende van ons allen zynen ondersaten, daer toe hem elc sculdich es te voughene; ende omme ooc aldaer afghelet t'hebbene zulcke tydynghe als gy nyeuwelynghe muecht verhoort hebben, in⁺ 't welcke doende, ghy dienen zult Gode van hemelrycke, die hem, omme 't behoudt van allen meynschen, crucen liet, zaken uuterlic bequamelic den lande van Vlaendren ende allen zynen insetenen, ende ooc andere zeere profytelic ende beschermen vele groote inconvenyenten, die wy noch andere scamele lieden nyet en zouden connen noch durren wederstaen. Eerweerdeghe, voorzieneghe ende wyse, harde lieve, enz., ghelieve u eeneghe zaken die wy naer onse cleene macht vermoghen, het zy in te treckene metten voorseyden drie Staten by onsen voorschreven gheduchten Heere, ofte in andren goeden ende duechdelicken zaken, beteeckent ons die ende wy zullense jonstelic ende hertelic vulcommen, als 't recht es. Dat kent God Onse Heere, wien wy bidden dat hy hu eenpaerlic beware ende

(1) Rude ende slichte, onkundige en eenvoudige.

+ f^o 104 v^o

[p. 316]

paeys verleene. Ghescreven te Curtrycke, den XXVII^e dach van maerte, enz.

De al uwe, capytaynen⁽¹⁾, baeliu, scautheete, proosten, scepenen ende raedt van der stede van Curtrycke ende al 't ghemeene van diere, bereet t'uwaerts.

(1) De kapiteinen van Kortrijk waren Joos van Halewijn, in 1454 opvolger van Colaart de la Clyte als souverein baljuw van Vlaanderen, en zijn neef Walter van Halewijn, gezegd Van der Gracht; zie Gachard, Analectes Historiques, 5^o Reeks, in Bulletins de la Commission royale d'Histoire, 2^e Reeks, D. IX, bz. 103, akte van 14 November.

Superscriptie.

Eerweerdeghe, voorsieneghe, wyse, onse harde lieve ende wel gheminde vrienden, scepenen ende alle de goede lieden van der stede van Ghendt.’