Dagboek van Gent van 1447 tot 1470. Deel 1

De andwoorde ghezonden den zelven jonghen prinche up den zelven zynen brief.

‘Harde gheduchte heere ende prinche, wy ghebieden ons onderdanichlic t'uwer princelicker ghenaden, als wy met herten meest connen ende moghen, ende hu zy ghelievelic te wetene dat wy, harde gheduchte heere ende prince, uwe beslotene lettren an ons ghesonden ghepynt hebben te achtervolghene naer haren uutwysene ende naer onsen vermoghene ende die te kennene ghegheven den ghemeenen van deser stede, mids dat uut hemlieden de andwoorde commen moeste ende nyet uut ons, ende hemlieden ghebeden, achtervolghende uwer princelicker begheerten, ende ooc gheinduceert ende ghepynt te adverteerne by andren diverschen redenen ende weghen daer toe dienende, dat zy zouden willen scheeden van den plaetsen daer zy hare vergaderynghe hauden ende te weercke gaen, ende voort de principale zaken van Pieter Tyncke ende den andren ghevanghenen stateren⁽²⁾ totter comste van onsen harden

(2) Stateren, uitstellen.

[p. 282]

gheduchten Heere ende prinche, uwen lieven vader, dien God by zynder gratien altyts bewaren wille ende laten met blyscepen ende ghesondicheden wederkeeren, waer up wy, up den dach⁺ van heden, van den goeden lieden van deser stede andwoorde ontfaen hebben ghenouch in substancien, mentioen makende dat zy altyts begheerende zyn hu, harde gheduchte heere ende prinche, boven allen creatueren, naest den edelen persoon van onsen harden gheduchten Heere ende prinche, uwen beminden vadere, te ghelievene ende te obedierne; nemaer omme dat de voorschrevene zake annoopt der justicien ende dat de justicie sculdich es te wesene generale, zonder eeneghe exceptie van persoonen ende ooc de zake langhe ghedelayert heeft gheweest, zo dynct hemlieden, onder uwer edelen correctie, harde gheduchte heere ende prinche, dat naer recht de officiers nyet sculdich zyn in 't exerceren van haren officien eenich uutnemen van persoonen te makene, nemaer zyn sculdich metgaders de wet elcken recht ende wet te doene, zonder dissimulatie ofte eenich wederzegghen, alzo wel up den minsten als up den meesten, naer 't bedwanc van hueren eede, welcke andwoorde wy, harde gheduchte heere ende prinche, in laste hebben uwer princelicker ghenaden te beteeckenen, ten hende dat hu, harde gheduchte heere ende prinche, ghelieven wilde stappans ons provysie te doen hebbene van den zelven uwen dienaers ende uwen officiers van deser stede, omme elcken recht ende wet te doene zonder eenich uutnemen van persoonen, want zy nyet en begheeren noch willen, dat men by eeneghen nyde of hatye oft rancune up den voorschrevene ghevanghenen noch andre procederen anders dan by weghen van rechte, hu, harde gheduchte heere ende prinche, alzo oodmoedelic als wy in der weerelt connen, biddende dat ghy ons als huwe scamele subgiten ende dienaers van deser andwoorde wilt hauden over gheexcuseert, want wy, als boven, ghetrauwelic ghepynt hebben 't beste te doene, ende dat hu, harde gheduchte heere ende prinche, ghelieven⁺ wille de ghedeputeerde, by uwen princelicken persoon jeghenwoordelic wesende, te latene vertrecken om harwaerts te

+ f^o 89 v^o

+ f^o 90 r^o

[p. 283]

commene ende in al 't beste te doene ende helpen doene ten onderhaude van den paeyse deser stede. Bet voorts, harde gheduchte heere ende prinche, zo bidden wy uwer princelicker ghenaden dat hu ghelieven wille te doene ontslaene uut hechten van vanghenessen Elberechte den Court, onsen poortre, jeghenwoordich ghevanghen te Rypelmonde, zo wy verstaen hebben, anghesien dat de zelve bevonden es poortre van ouden tyden, naer de informatie daer up ghehoort, ende dat naer de prevylegien ende rechten van deser stede, de zelve sculdich waeren voor ons te rechte te stane, hopende up dat de poortre van den voorschreven officiers, by uwer princelicker ghenaden, ghesceide ende dat de voorschreven onse poortre ontsleghen worde ende dat de zake t'eenen goeden hende commen zaude. Ende, gheduchte heere ende prince, up dat hu eeneghe zaken ghelieven, wesende in onsen cleenen vermoghene, daer toe zyn wy als hu onderdaneghen subgiten ende dienaers met ghewillegher herten bereet. Dat kenne God die hu, harde gheduchte heere ende prince, altyts ghesparen in zalicheden. Ghescreven den achsten⁽¹⁾ dach van octobre anno LI.’

Harde, hoghe ende moghende heere, den grave van Charoloys, heere van Chasteu-Boellin, ghecommitteert ten gouvernemente van onsen harden gheduchten heere ende natureel prinche, den hertoghe van Bourgoyngen. grave van Vlaendren, van zynen landen van haerwaerts overe, onsen harden gheduchten heere ende prinche.

Uwe ootmoedeghe ende onderdaneghe subgiten ende dienaers, t'allen uwen beveelne altyts bereet, scepenen ende raed van der stede van Ghendt.

(1) Lees ‘achtersten dach’, dus 31 October 1451.