Dagboek van Gent van 1447 tot 1470. Deel 1

Den brief commende van den grave van Saint-Pol up 't ghuendt dies hy ghelaboureert heeft omme 't saufconduut⁽¹⁾.

‘Très chiers et especiaulx amys, ce que par mes derniers lettres je vous ay escript et respondu à vos lettres précédentes, je m'en suis venu en cette ville de Bruxelles devers monseigneur le Duc, le plus tost que j'ay peu bonnement, pour avecq les deputez de troix Membres de pays de Flandres, que j'ay ichi trouvez, moy employer ou fait de la ville de Gand devers mon dit Seigneur et y faire tout les myeulx que je pouroye, selon la confidence que ai ues de moy, et comme le m'avez requis; mais moy estant ychy arrivé, j'ay trouvez que le ditte deputez de troix membres avoient ja eue la responce de mon dit Seigneur, dont j'ay esté esmerveillé de prime face, et pour ce ay enquis de la cause que avoit meu mon dit Signeur à leur donner ycelle si tost, veu que benignement il m'avoit accordez et consenty,

(1) Op f^o 120 v^o vindt men de vertaling van dienzelfden brief; Schayes had hem in zyne uitgaaf als eene nuttelooze herhaling weggelaten.

[p. 279]

comme le m'avoyt rappoorté le chevalier que pour ceste cause⁺ avoye envoyé vers luy, et à ma requeste de moy attendre à faire ladicte response, mon dit seigneur m'a faict dire que bien vray estoit que enfin le m'avoit accordé, en espérance et par ainsy que pendant le dit temps de ma venue devers luy il se departissent lez nouvelletés et entreprinses qu'ils avoint faittes et faisoyent à l'encontre de sa haulteur et signouries, et que ce non obstant, depuis le dit temps et pendant mesmement que cheulx desdits Membres estoient ychy venus et y attendoient pour obtenir le benigne response de mon dit Signeur, pour laquelle je devoye avecq eulx intercéder et moy employer en faveur et pour le bien de vous et de la ville de Gand; les troix Hooftmans de la dicte ville de Gand et vous on fait plusieurs nouvelles et entreprinses, tant par éditz publiez comme par lettres patentes et closes qu'il ont envoyez á deux officiers, aulx bonnes villes et aultres subgez de mon dit Seigneur, dont il m'a fait monstrer le copies contenans commandemens, deffences et aussy griefves, menaces contre l'auctorité, préeminence, haulteur et signouries de mon dit Seigneur et à sa très grant foule et desplaisance et plus que paravant n'avoint fait, et ne luy sambloyt pas signez qu'ilz désirassent fort sa grâce et bénivolence, mais donner présomtion bien grande au contraire; parquoy il avoit esté meu de donner si tost la dicte responce à ceulx des dits troix Membres. Comme toutes ches choses mon dit Signeur m'a fait dire et remonstrer, et combien que humblement aye requiz à mon dit Signeur, il n'a voulu chose aulcunement changier ne muer de sa dicte responce ne n'en changera tant et si longhement que les dits trois Hooftmans qui tellement et si grandement ont foulé et usurpé sa haulteur et signorie demeureroient ès gouvernement et ayent auctorité en sa dicte ville de Gand, comme pareillement il m'a dit, car il ne luy peult sambler que ses bons et loyaulx subgés le voulissent ne deuissent souffrir et endurer; desquelles entreprinses sus⁽¹⁾ touchés j'ay

+ f^o 88 r^o

(1) Sus, dessus.

[p. 280]

⁺ esté et suis moult doulent en desplaysant, et pour che vous escrips féalement, pour de toutes ches choses vous advertir et informer, affyn que vous ayez bon et mieulx adviz touchant ceste matière et que, veu l'intention de mon dit Seigneur qui est telle que dessus, et à les causes qui à ce le muevent, vous advysés bien en votre fait et contrepesies le grant bien, utilité et prouffyt qui peult advenir et ensuir pour vous et pour tout les pays par vostre renvoy et réintégration à la grâce et benyvolence de mon dit Seigneur, et les grans et détestables maulx et inconvéniens qui vrayssamblement s'ensuiroient du contraire par ainsi que les dits troix Hooftmans, demourissent au dit gouvernement contre la voulenté et playsir de mon dit Seigneur, votre prinche et seigneur naturel, ce que Dieu ne veuille; et à mon adviz, eulx mesmes, pour tout bien, tant d'eulx et de tout le pays, doivent vouloir eulx mettre hors et à ce les devez par vous moyens induire, et que ainsy le faciez je vous prie trés acertes⁽¹⁾. Et la ville de Gand estant remyse en son anchien gouvernement et estat, qui est de ceulx de la loye et aultres qui appertient, considerée que mon dit signeur a tousjours aymé tres singulièrement sa dicte ville de Gand et est prince très misérecordieulx, j'ay esperance véritable en mon Seigneur que ce sera bonne entrée pour besoingier en la matiere affin d'aucun bien que de tout mon cueur je souhede et desire, en quoy je me employeray et quyteray tousjours voulentiers de très bon cuer et maintre⁽²⁾ que par effect pourez à percevoir et cognoistre le vray et entir vouloir que j'en ay pour le bien d'entre vous et de tout le pays. Et ce que aurez sur ce adviser conclud, me veuilliés faire responce par ce porteu[r], en moy signiffiant, très chiers et especiaulx amis, s'il est chose que pour vous faire puise, je le feray voulentiers et de bon cueur au plaisir de notre Signeur qui vous ayt en sa saincte garde.

+ f^o 88 v^o

(1) Acertes, certainement.

(2) Maintre, mainstre, waarschijnlijk service, van het latijnsch woord ministerium.

[p. 281]

Escript en la ville de Bruxelles le premier jour de février l'an LI.’

A mes très chiers et espéciaulx amys les eschevins, conseilliers et deux doyens de la ville de Gand.	Le conte de Saint-Pol, de Lyney, de Conversant et de Bryenne, signeur d'Enghien.
Lowys de Luxembourg l'Ancien.

Item, up den zelven brief was ghesonden andwoorde dat 't volc de Hooftmannen nyet verlaten en wilde. -

Item, daer te vooren quam eenen brief van den jonghen 1454. prinche⁽¹⁾ an de stede van Ghendt.

(1) De graaf van Charolais; deze had aan de stad geschreven op 25 October als blijkt uit den volgenden post der Stadsrekeningen over 1451-52, f^o 174 v^o: ‘Item ghegheven Jehan de Saint Vaes messagier van den heeren van den rade die eenen brief van den grave van Charolois brachte an scepenen van ghedeele den XXV^sten dach in octobre XVI gr.’. Deze brief zou zich dus moeten bevinden op bz. 131.