Dagboek van Gent van 1447 tot 1470. Deel 1

Eerst, dat elc ghehouden es ter maerct te gane.

‘Achtervolghende den overeendraghene ende sluutene van den drie Hooftmannen van deser stede, de welcke overeendroughen, sloten ende ordineerden dat men alle zaken der stede angaende, alleen beteekenen ende te kennen gheven zoude hier ter maerct metten clocslaghe an d'een zyde alsoo 't behoorde, ten fyne datter dan elc commen zoude wien 't geliefde of luste, waer

[p. 263]

af dat zy bevinden dat groote menichte van persoonen achterblivende, wien de welvaert van deser stede alsoo wel ancleeft als den ghuenen diere commen, so es, omme datte te belettene ende te scuwene, gheordonneert, ghesloten ende men ghebiet van den drie Hooftmannen weghe dat van nu voortan, wanneer ende te wat tyde men de clocke slaen zal an d'een zyde, alsoo 't gheordonneert es, de dekenen ende ghezwoornen van den leden van der neerrynghen ende weverien stappans terstont zullen wesen ghehauden te commene ter maerct daer elc met zyn bannyere ghehuuseert es te stane, ende dat dan onder hemlieden ghehauden zullen wesen te commene alle de ghene die in eeneghe neerrynghen vry zyn, oft het en ware dat yemendt noodzake of beledt hadde, ghelyck ende in der voormen ende in⁺ der manieren oft elc ghedaeght ware metten cnape van zynder neerrynghen oft wycke; ende zo wie in ghebreke ware van commene, dat die ghehauden zoude wesen in al zulcke boete alzo elcx neerrynghe ende wyck ghedraecht, zonder yemendt daer inne te spaerne van den zelven boeten te innene, wel verstaende dat elc commen zal alzo hy daghelicx uuseert te gaene oft zyn neerrynge doet.

‘Item, dat de goede lieden van der poortrien insghelycx ten voorseyden clocslaghe zullen commen, elc notabelic, alzoo 't behoort, omme up dat eeneghe zaken voor handen waeren die haestelic andwoorde begheerden, die by hemlieden als d'eerste ende in 't derde Let gheordonneert ende ghesloten te moghen werdene metten andren tween Leden, alzoo 't behooren zoude, ende up dat daer inne ghebreck vonden worde, dat de drie Hooftmannen zouden daer inne voorsien, ten laste van den ghenen die in gebreke ware, gheene noodzinnen hebbende of betooghende alzo haerlieder goeden raet ghedraghen zoude.

‘Item, aldus elc ter maerct vergadert zynde, dat nyemendt, wie hy zy, en verga oft vertrecke voordere dan elc onder 't zyne, omme eeneghe informatie of anbrynghene te doene eldere dan daer elc toebehoort, up de correctie van den drie Hooftmannen; ende zo wie de correctie van deser daden ende dies bevonden

+ f^o 81 r^o

[p. 264]

worde, daer of zo maken de drie Hooftmannen elcken wroughere⁽¹⁾ ende vanghere, ten fyne dat hem danof ele wachten mach.

(1) Wroughere, beschuldiger.