Dagboek van Gent van 1447 tot 1470. Deel 1

Dat de lieden moghen incommen ende uutvaren zonder onghelt⁽²⁾, enz.

‘Item, ghebiet men van den drie Hooftmannen weghe, dat alle manieren van persoonen, van wat state oft conditien zy zyn, up dat hemlieden ghelieft, zullen moghen commen ter stede waerdt met haerlieder goede omme 't bescud van dien, zonder te wat poorten dat zy incommen metten zelven goede, te waghene, te peerde ofte halse, te ghevene eeneghe tollen oft sommen van pennynghen, ende dat alle manieren van persoonen goed zullen insghelycx moghen wech doen, als 't hemlieden⁺ ghelieven zal, zonder yeuwers inne belast te zyne, wel verstaende dat men van coorne ter maerct brynghende te coope, voort van allen ghecochten goede uuter stede ende elcken ghenouch doen zal, daer ende alzoo 't behoort ende up dat men yemende ter contrarien van deser vonde doende, oft de schamel lieden belastende, dien zouden de Hooftmannen zo hoghelic ende lastelic corrigieren dat hy spieghel ende exempele, enz.’

Al dat voorseyt es ghedaen zynde up den voornoemden XI^e dach van laumaent anno LI, zo vertrack elc van der maerct paeysivelic, alzo hy daer ghecommen was⁽³⁾.

Item, tswoondaechs den XII^e dach van laumaent, anno LI, sloten ende consenteerden de drie Leden van deser stede,

(2) Onghelt, taks. Die verordening duidt genoegzaam aan dat de Hoofdmannen het moede waren nog langer eene lijdzame rol te spelen; daarbij boezemde hen de versterking der bezettingen van Oudenaarde en Kortrijk eene groote vrees in, vooral voor de kasselrij.

+ f^o 81 v^o

(3) De post der Stadsrekeningen over 1451-52, f^o 203 r^o: ‘Item ghegheven den ondercleercken ende anderen ghesellen van der penne van zekeren scriftueren te makene anclevende de colacie ghehouden den X^sten dach in Laumaent...’ heeft betrekking op de Colacie door de Hoofdmannen ontbonden op 10 Januari, blz. 251.

[p. 265]

alzo men up den Zoldere overbrocht, te zendene by mynen gheduchten Heere metter instructie voorseyt; maer dat men daertoe alvoren ghecreghen zyn saufconduut of hostage van persoonen, omme 't welcke men stappans screef an de ghedeputeerden van den drie Leden 's lands van Vlaendren, doe ligghende te Brucele, hemlieden biddende dat zy in dat te vervolghene neerstichede doen wilden.

Item, corts naer desen worden afghedaen ende verlaten by den drie Hooftmannen, dienaers ter cameren van der kuere ende van ghedeele⁽¹⁾, te wetene: Christiaen De Meestere, Jan Van der Meere, Jan Van der Cameren ende Jacop Van der Werft, sergianten boven; Willem Van der Gaverete, Cornelis Plume ende Lievin Van Belle, boden aldaer, ende Gillis De Mare, sergiant beneden; Jooris De Burchgrave, Gillis Van den Doorne, Pieter De Witte, Willem Van der Cleye, Lauwereyns Van den Brande ende Willem Coppins, boden beneden, omme dat zy, ter beden van eeneghen fugitiven, anghestelt hadden ghezyn in 't zelve officie.

(1) Dit is een bewijs der onverdraagzaamheid van die democratische stadsbesturen, tegenover degenen die niet tot de heerschende partij behooren.