Dagboek van Gent van 1447 tot 1470. Deel 1

Van dat nyement anderen betrecken en mach dan daer hy behoort.

‘Men ghebiet van den drie Hooftmannen weghen als vooren, dat van nu voortan gheene weerlicke persoonen binnen der casselrie van Ghendt elc anderen vexere noch moeyen en zullen te wette, om eeneghe sculdeghe zaken, in 't Gheestelick Hof⁽¹⁾, ghemeerct de zware costen, moeyten ende lasten die zy elcanderen daghelicx useren te doene met cleenen causen ende sculden; maer zullen elc anderen te wette staen voor de weerlicke wet, daer elc te wette behoort, ende zo wie ter contrarie van desen dade, zo zal de ghuene die ghedaecht wert, hem commen dies beclaghen ende gheven 't den Hooftmannen te kennene, ende zullen daer af hemlieden gheinformeert zynde, den besculdeghen ter contrarien van deser ghedaen ende ghevolght hebben, corrigieren in exempelen alle andren; van welcken poyncte ende voorghebode men insghelycx zekere oordene maken zal, so men eerst can ende mach, by den drie

(1) Het geestelijk hof of officialiteit van Doornik.

[p. 237]

Leden van deser stede, in zulcker wys dat zal moghen blyven gheduerich t'eeulicken daghen.’