Dagboek van Gent van 1447 tot 1470. Deel 1

Van nyement anders neerrynghe te doene.

‘Item, omme binnen dese stede onderlynghe ghevoet ende onderhaudene te werdene alle broederlicke jonste ende minne, ende by speciale dat nyement van Gods weghen ende reghs weghen sculdich es te nemene, te belettene ofte te weerne anders brootwinnynghe die elcken sculdich es toe te behoorne, zo es by den Hooftmannen ende haerlieder raetslieden overeen ghedreghen ende ghesloten, dat men ghebiet als vooren dat men⁺ van nu voortan, wie hy zy, binnen deser stede oft up een myle naer der zelvere⁽⁴⁾, doen zal eeneghe neerynghe ofte

+ f^o 70 r^o

(4) Die mijl wordt berekend van aan de ‘bailgen’; van 's Gravensteen, ‘den rechten heirweg metende’; zie Nap. de Pauw, De Voorgeboden der stad Gent, bz. 148a.

[p. 236]

brootwinninghe van neerrynghen daer inne men nyet vry en es; die 't dade oft bevonden worde ghedaen hebbende, hoe ofte in wat manyeren dat 't zelve yements neerynghe bejeghenen mochte, dien sauden de Hooftmannen zo hooghelic ende zwaerlic punyeren ende corrigieren dat hy spieghele zyn zaude van andren.

Item, om dat 't zelve voorghebot in toecommenden tyden wel onderhauden saude moghen werden, zo zal men daer af, zo men eerst can ende mach, by den drie Leden deser stede maken zulcke verbanden alsser toe dienen ende behooren zullen, alwaer by dat zal moghen wesen ende blyven ghestandich ende gheduerich t'eeuwelicken daghen, omme de zelve stede ghehauden ende ghevoedt te werdene in goeder broederlicker minnen ende eendrachticheden.’